මනම්පිටිය නිමල් ජයරත්න –
පොළොන්නරුව මාදුරුඔය පිටාර ගැලීම හේතුවෙන් දිඹුලාගල දිවුලපතාන ප්රදේශයට බලපෑ ඇති ගංවතුර නිසා එම ගම්මානයේ පවුල් තුන්සිය පනහකට ආසන්න පිරිසක් අද (02 ) වනවිට කොටුවී සිටින බව මාදුරුඔය දකුණු ඉවුර ගොවින් සුරැකීමේ සංවිධානයේ සංවිධායක චන්දන කුමාර සඳහන් කරයි.
මේ වනවිට තම ගම්මානයේ ගංවතුරට කොටු වූ පවුල් කීපයක් ඔවුන්ගේ ඥාති නිවාසවලට ට්රැක්ටර් රථ මගින් මගින් ගමන් කරමින් සිටින අතර තවත් පිරිසක් යන එන මං නොමැතිව කොටුවී සිටින බවද ඔහු කීවේය.
පොළොන්නරුව ආපදා කළමනාකරණ සහකාර අධ්යක්ෂ රංජිත් අලහකෝගෙන්
මේ පිළිබඳ කල විමැසීමකදී සඳහන් කළේ දිඹුලාගල ප්රාදේශීය ලේකම්වරයා දැනුවත් කර ට්රැක්ටර් රථ හා බෝට්ටු යොදා ගනිමින් ගංවතුරට කොටු වූ සිටින පවුල් ආරක්ෂිත ස්ථාන කරා රැගෙන ඒමට පියවර ගෙන ඇති බවයි.
පොළොන්නරු දිස්ත්රික්කයේ ප්රාදේශීය ලේකම් කොට්ඨාශය හයක පවුල් 113 ක පුද්ගලයින් 447 දෙනෙකු අවතැන් වී සිටින බවද අලහකෝන් සංවිධායකවරයා කීවේය.
ඔවුනට අවශ්ය පිසූ හා වියලි ආහාර, අනෙකුත් සහන ඒ ඒ ප්රාදේශීය ලේකම්වරුන් හරහා ලබාදීමට පියවර
ගෙන තිබෙන බව ද ඔහු වැඩිදුරටත් සඳහන් කළේය.
ගෙන තිබෙන බව ද ඔහු වැඩිදුරටත් සඳහන් කළේය.
ඉහළ ප්රදේශවලට ඇදහැලෙන වර්ෂාපතනය හේතුවෙන් සහ කුඩා හා මධ්ය පරිමාණ වැව් ජලාශවල වාන් දොරටු විවෘත කිරීමත් සමග මහවැලි ගඟ පිටාර ගැලීම නිසා පොළොන්නරුව මඩකළපුව ප්රධාන මාර්ගය මනම්පිටිය ගල්ලෑල්ල ප්රදේශයෙන් මාර්ගය තවදුරටත් වසා ඇති බවද රංජිත් අලහකෝන්ස ඳහන් කළේය.
කදුරුවෙල සහ මනම්පිටිය අතර මගීන්ගේ ප්රවාහන පහසුව සඳහා විශේෂ දුම්රිය සේවාවක් යොදවා ඇති බව ද හෙතෙම කීය.
