සුමිත් පොතුපිටිය –
කළුතර නාගොඩ මහ රෝහලේ ප්රධාන දොරටුව ඉදිරිපිට අද පස්වරුවේ රෝගීන් බැලීමට පැමිණි පිරිසක් සහ රෝහලේ පෞද්ගලික ආරක්ෂක අංශ නිළධාරීන් පිරිසක් අතර ඉදල් යකඩ පොලු භාවිතා කරමින් ඇතිවූ ගුටිබැට හුවමාරුවකින් පුද්ගලයන් දෙදෙනෙකු රෝහල් ගතකර ඇති බව රෝහල් ආරංචි මාර්ග සඳහන් කරයි .
රෝගීන් බැලීමට පැමිණි පුද්ගලයකු සහ පෞද්ගලික ආරක්ෂක අංශ නිළධාරීයෙක් මෙසේ රෝහල් ගතකර ඇති බව සදහන් වේ .
නේවාසික රෝගීයෙකුගේ සුවදුක් බැලීම පස් දෙනෙකු පමණ පැමිණ ඇති අතර, ඇතුළුවීමට යාම සම්බන්දයෙන් ඇතිවූ කතාබහක් මුල්කර ගනිමින් ප්රධාන දොරටුව ඉදිරිපිට ගැටුම සිදුව ඇති බව පොලිසිය කීය.
රෝගීයෙකු බැලිම සදහා පැමිණි පුද්ගලයකු අත තිබූ අවසර පත්රය ආරක්ෂක නිළධාරීයෙක් උදුරාගෙන ඇති බවත් ඉන්පසුව ඇතිවූ උණුසුම් තත්වය අතරතුර පහලොවලට ආසන්න පිරිසක් අතින්, පයින්, ඉදල් වලින් සහ බට උපයෝගී කරගනිමින් ගුටිබැට හුවමාරුව සිදුව ඇති බවත් සදහන් වේ.
දෙපිරිස අතර ඇතිවූ ගුටිබැට හුවමාරුව රෝගීන් බැලිමට පැමිණි පිරිස් මෙන්ම කොළඹ මතුගම මාර්ගයේ ගමන්ගත් විශාල පිරිසක් බලාසිටි ඇති බවත් සදහන් වේ.
පහරකෑ දෙදෙනාම නාගොඩ මහ රෝහලේ එකම වාට්ටුවේ ප්රතිකාර ලබමින් සිටින බව රෝහල් ප්රකාශකයෙක් පැවසීය.
පහරකැමෙන් තවත් කිහිප දෙනෙකු සුළු තුවාල ලබා ඇතැයිද සදහන් වේ.
නාගොඩ මහ රෝහල් පොලිසියේ ස්ථානාධිපති පොලිස් පරීක්ෂක එම්. රත්නවීර මහතාගේ ප්රධානත්වයෙන් පරීක්ෂණ පවත්වති
