දිනසේන රතුගමගේ
යාපනයේ ඩෙල්ෆ්ට් ප්රදේශයේදී පුද්ගලයින් පස් දෙනෙකු කපා කොටා ඝාතනය කිරීම සඳහා යොදා ගත් බවට සැක කෙරෙන පිහිය සැකකරු විසින් කළ පපොච්චාරණයකින් කින් පසුව ඩෙල්ෆ්ට් හා ඌර්කාවතුරේ පොලිසිය විසින් අද ( 24 ) සොයා ගෙන තිබේ.
එම ඝාතනයන් සිදු කළ බවට සැක පිට දැනට අත් අඩංගුවට ගෙන සිටින සැකකරු මරණ සිදු කරන ලද අවස්ථාවේදී පැළඳ සිටි ඇදුම් ද ඔහුගේ පෙන්වීම මත පොලිසිය සොයාගෙන ඇත.
සැකකරු විසින් එම ඝාතනවලට පසුව පිහිය හා ඔහුගේ රෙදි නිවස අසල වූ ළිදකට දමා සිද්ධිය වූ ස්ථානයෙන් පලා ගොස් තිබේ.
සැකකරු පිහිය ළිඳට වීසි කිරීමට පෙර ඔහුට බුරා ගෙන පැමිණි සුනඛයාටද එම පිහියෙන් ඇන තුවාල සිදු කොට පසුව පිහිය ළිඳට වීසි කොට ඇත.
සැකකරු සන්තකයේ තිබී පවුම් 26 ක රන් භාණ්ඩද පොලිසිය විසින් මීට ඉහතදී සොයා ගන්නා ලද අතර පොලීසිය විශ්වාස කරන්නේ තවත් රන් භාණ්ඩ මොහු කිසියම් ස්ථානයක සඟවා ඇති බවය.
යාපනය පොලිසිය ඌර්කාවතුරේ පොලිසිය හා ඩෙල්ෆ්ට් පොලිසිය සිද්ධිය සම්බන්ධයෙන් තවදුරටත් පරීක්ෂණ පවත්වා ගෙන යයි.
