රටින් හොර කෑ මුදල් යළි රටට ලබා ගැනීම වෙනුවෙන් අන්තර්ජාතිකව දියත් වී ඇති අරගලයේ එක් පියවරක් ලෙස දහස් ගණනකගේ සහභාගීත්වයෙන් ස්විස්ටර්ලන්තයේ ජිනීවා නුවර ඊයේ උද්ඝෝෂණයක් පැවැත්විනි.
ජිනීවා නුවර සුප්රකට උද්ඝෝෂණ ස්ථානයවන පුටුව පාමුල මෙම උද්ඝෝෂණය සංවිධානය කර තිබුනේ ශ්රී ලංකා පුරවැසියන්ගේ ජාත්යාන්තර හඬ සංවිධානය මගිනි.
යුරෝපයේ විවිධ රටවල ජීවත්ව සිටින ශ්රී ලාංකිකයින්ගෙන් මෙම සංවිධානය සමන්විතය. කෙතරම් බාධක එල්ල වුවත් වංචාවෙන් දූෂණයෙන් අයිති කර ගත් මුදල් යළි අය කරගෙන රටේ දියුණුව වෙනුවෙන් යොදා ගැනීමට හැකි තත්ත්වයක් කෙසේ හෝ නිර්මාණය කරගැනීම මෙම අරගලයේ අභිලාෂය බව සංවිධායකවරු ලංකාසරට පැවසූහ.
සොරකම් කළ මුදල් යළි ලබා ගැනීම ඉලක්ක කරගෙන මේ වනවිට ගෝල්ෆේස් අරගල භූමියේ අරගලකරුවන් එක් වී ලබාගෙන ඇති අත්සන් ලක්ෂ 04ක පෙත්සම තමන්ට ලැබී ඇති බවත්, එය හෙට (07) එක්සත් ජාතීන් වෙත භාර දීමට සැලසුම් කර ඇති බවත් ඔවුහු වැඩිදුරටත් කී.
එමෙන්ම පසුගිය 9 වෙනිදා ගෝල්ෆේස් අපරාධය සම්බන්ධයෙන් දැනුම්වත් කරමින් 27 වෙනිදා එක්සත් ජාතීන් වෙත ලබා දුන් පෙත්සමේ තවත් දිගුවක් ඔවුන් වෙත භාර දෙන්න ද “ශ්රී ලංකා පුරවැසියන්ගේ ජාත්යාන්තර හඬ“ සංවිධානය සූදානමින් ඇත.
