හිටපු අමාත්ය චන්ද්රාණි බණ්ඩාරට එරෙහිව අද කොළඹ මහාධිකරණය ඉදිරියේදී අධි චෝදනා භාර දුන්නේය.
ඒ යහ පාලන රජය සමයේ කාන්තා හා ළමා කටයුතු සහ වියලි කලාප සංවර්ධන අමාත්යවරිය ලෙස කටයුතු කරද්දී සිදුකළ දූෂණ චෝදනා කීපයක් පදනම් කරගනිමිනි.
ඒ අනුව නිසි ක්රියා පටිපාටිය අනුගමනය නොකර එච්.එම්. චන්ද්රවංශ නැමැත්තෙක් වෙත වියලි කලාප සංවර්ධන අමාත්යාංශයේ ව්යාපාති අධ්යක්ෂ ධූරයට පත් කිරීමත් සිය හිතවතුන් පිරිසක් අමාත්යාංශයේ විවිධ තනතුරුවලට පත් කිරීමත් අමාත්යාංශ නිලධාරීන්ට පලපෑම් කිරීම තුළින් දූෂණය නැමැති වරද සිදුකිරීමත් සම්බන්ධ චෝදනා ඇය වෙත ඉදිරිපත් වී තිබේ.
අධි චෝදනා පත්ර භාර දුන්නේ කොළඹ මහාධිකරණ විනිසුරු ආදිත්ය පටබැඳිගේ ඉදිරියේදීය.
පසුව විත්තිකාරිය ලක්ෂ 10 බැගින් වූ ශරීර ඇප දෙකක් මත මුදා හැරිනි. නඩුව ජුනි මස 20 දා යළි කැඳවීමට නියමිතව ඇත.
