එක්සත් ජනපද නාවික සීල් පුහුණුව සාර්ථකව නිම කර කීර්තිමත් සීල් ට්රයිඩන්ට් පදක්කම ලබා ගත් පළමු ශ්රී ලාංකිකයා ඔහුය. ඔහු දිවයිනට එන්නෙ ජාතියට මහා ආඩම්බරයක් ද රැගෙනය. ඔහු ශ්රී ලංකා නාවික හමුදාවේ විශේෂ යාත්රා බලඝණයේ (SBS) ලුතිනන් කොයාන් චමිතය.
එය ලෝකයේ ඇති අති දුෂ්කර පුහුණු පාඨමාලාවකි. මාස 14ක දුෂ්කර පුහුණුව ලුතිනන් චමිත විඳ දරා ගත්තේය. පුහුණුවේ එහි දැඩි ශාරීරික හා මානසික දරා ගැනීම් සහිත ඉලක්ක හේතුවෙන්ම පුහුණුව අතරමැද එය 75%කට වඩා අතහැර දැමීම මෙතෙක් පැවති අත්දැකීමය. මේ පුහුණුවේ ප්රමාණය දැන් ඔබ වටහා ගත යුතුය.
ඉතිහාසය පුරාවටම ලෝකයේ SEAL Trident Pin ලබා ගත්තු විශිෂ්ටයන් සිටින්නේ 10,000ක් පමණි. එයින් දැනට සක්රීය සේවයේ යෙදෙන නාවිකයින් ප්රමාණය 2,500කි. ඇමරිකාවෙන් පිටත මේ පදක්කම ලබාගත් නාවිකයින් ගණන 100ට ද අඩුය. දැන් ඉන් එකෙක් ඉන්නේ අපේ නාවික හමුදාව එක්කය. සීල් ලාංඡනය සංකේවත් කරන්නේ ජීවිතය අත්හැරෙන ව්යසන හමුවේත් මහා ඛීලයක් සේ නැගී හිඳිමින් සටන වෙනස් කරන මිනිස්සුය. එවැනි විශ්ව සම්භාවනාවට ලක් විය යුතු වීරයින් ඉතිහාසය පුරා විවිධ අවධිවල අපට උන්හ. අපේ තුළ ඒ ශඛ්යතාවය ලෝකයට ප්රකාශ කළ අපේ යෞවනයා ඔහුය.
සීල් පුහුණුව යනු කුමක්ද?
SEAL බටයෙක් වීම ලෝකයේ හමුදා පුහුණුවක තිබෙන අතිශය අමාරුම පුහුණුවය. එම පුහුණුව අමරිකා එක්සත් ජනපද නාවික හමුදා භටයන් විෂයෙහි ලබා දෙන විශේම පුහුණුවක්ය. අයදුම්කරුවන් නිශ්චිත වයස, පුරවැසිභාවය සහ අධ්යාපන අවශ්යතා සපුරාලිය යුතුය, ශාරීරික හා මානසික පරීක්ෂණ පරීක්ෂණ සමත් විය යුතු අතර සුවිශේෂී මානසික හා ශාරීරික දෘඩතාව පෙන්නුම් කළ යුතුය
SEAL Trident පදක්කම ලබා ගැනීමේ අදියර පෙළ ගැසෙන්නේ මෙසේය.
නාවික හමුදා මුලික පුහුණුව මෙය Boot Camp ලෙස හැඳින්වෙන්නේය. දෙවවනුව ශාරීරික සූදානම සඳහා කෙරෙන සති 08ක පුහුණුවකි. එය Pre-BUD/S ලෙස හැඳින්වෙන්නේය. අනතුරව මාස හයට ආසන්න කාලයක කෙරෙන දිය යට පුහුණු අභ්යාසයන්ය. එය BUD/S (Basic Underwater Demolition/SEAL Training ) ලෙස හැඳින්වෙන්නේය. පැවැත්වෙන්නේ කැලිෆෝනියාවේ කොරොනාඩෝ හි මෙයපැවැත්වේ.
මේ පාඨමාලාවේ දුෂ්කරම සහ වැඩිම ප්රමාණයක් පාඨමාලාව හැර යන අවධිය මෙයය. එය හැඳින්වෙන්නේ නිරයේ සතියක් හෙවත් Hell Week ලෙසය. දින 5.5ක් නොනිදා ශාරීරික හා මානසික පීඩා දරාගෙන සිදුකරන ක්රියාකාරකම් මේ දින 5.5 තුළ සිදුවන්නේය. අධික ශීතල ජලයේ ක්රියාකාරකම්, දිවීම, පිහිනීම හා බාධක තරණ ආදිය මේ කාලය තුළ සිදුකෙරෙන්නේය. මෙම අදියරේදී 70% කට වැඩි ප්රමාණයක් මේ පාඨමාලාවෙන් එලියට විසිවෙන්නේය.
අනතුරුව සති 03ක පැරෂූට් පුහුණුවකි. ඉන් අනතුරුව මාස 06ක සීල් භටයෙකුගේ කුසලතා සපුරන SEAL Qualification Training (SQT) ය. යුධ මූලික ප්රේරණ , ජීවිත ආරක්ෂණ ක්රම, වෙඩි තැබීම ආදිය මේ පුහුණුවට ඇතුළත්ය.
පුහුණුව සාර්ථකව අවසන් කළ හැකි වන්නේ, පුදුමාකාර කායික මානසික දරා ගැනීමේ හැකියාවක් සහිත ඕනෑම පීඩනයකට ඔරොත්තු දිය හැකි සුපිරි ගණයේ මිනිසෙකුට පමණය.
මෙම ජයග්රහණය වැදගත් වන්නේ ඇයි
ලුතිනන් චමිතගේ ජයග්රහණය ඉතිහාසගතය. එය “U.S. SEAL Trident pin” ලබා ගත් පළමු ශ්රී ලාංකිකයා වීමේ ඓතිහාසික මොහොත සනිටුහන් කරන නිසාම නොව, එය ශ්රී ලංකාවේ ගෞරවාන්විත හමුදාවන්ට ජාත්යන්තර ප්රභූ ප්රමිතීන් සපුරාලිය හැකි බව සාධනය කළ අවස්ථාවක් නිසාය.
ඔහුගේ සාර්ථකත්වය නාවික හමුදා විශේෂ යාත්රා බලගණය වෙත ලබා දෙන ගෞරවයට ඔබ්බෙන් ගොස් ශ්රී ලංකාව සහ ඇමරිකා එක්සත් ජනපදය අතර හමුදා සහයෝගීතාව සහ උපායශීලී හුවමාරුවට ගැඹුරු පදනමක් නිර්මාණය කර තිබේ.
එමෙන්ම චමිතගේ ආදර්ශය ශ්රී ලංකාවේ අනාගත විශේෂ බලකා නිලධාරීන් වෙත පෙළඹවීමක් අපේක්ෂා කරනු දැනේ. අප දකින්නේ එය ජාතික ආරක්ෂාව තුළ වෘත්තීයභාවය සහ අභිලාෂය ඉහළ නංවන අයුරුය.
