පශ්චාත් සීමාවාසික වෛද්ය නිලධාරීන් බඳවා ගැනීමේ ස්ථානමාරු ලැයිස්තුව සෞඛ්ය ඇමතිවරයාගේ උපදෙස් පරිදි සෞඛ්ය අමාත්යංශයේ නිලධාරින් සහ රජයේ වෛද්ය නිලධාරීන්ගේ පොදු එකඟතාවයකින් මේ වන විටත් සකස් කර අවසන් වුවද එය ක්රියාත්මක කිරීමට සෞඛ්ය අමාත්යංශයේ නිලධාරීන් පියවර ගෙන නොමැති බව රජයේ වෛද්ය නිලධාරීන්ගේ සංගමය සඳහන් කරයි.
මෙම ලැයිස්තුව වහාම ක්රියාත්මක කළ යුතු බවට සෞඛ්ය ඇමතිවරයා පවා උපදෙස් දී ඇති පසුබිමක මෙම ලැයිස්තුව ක්රියාත්මක නොකරන්නේ දේශපාලන අවශ්යතාව මත සෞඛ්ය අමාත්යංශයට පත් කළ නියෝජ්ය අධ්යක්ෂ ජනරාල්වරයකෙුගේ උවමනා මත යැයිද වෛද්ය පරිපාලන සේවා නිලධාරීන් සඳහන් කරයි.
කෙසේ නමුත් මෙම පශ්චාත් සීමාවාසික පත්වීම් ලබා නොදීම හේතුවෙන් ඇතැම් රෝහල්වල මහාචාර්ය ඒකක පවා විවෘත කර ගැනීමට නොහැකි තත්තවයක් උදා වී ඇචති බව පරිපාන සේවා වෛද්ය නිලධාරිහු චෝදනා කරති.
සකස්කර අවසන් කර තිබෙන ස්ථානමාරු ලේඛණයට වහාම අත්සන් කර වෛද්යවරුන්ව රෝගී සත්කාර සේවාවට යොමු කරන්නැයිද වෛද්යවරු ඉල්ලීමක් කරති.
වත්මන් ආණ්ඩුව විසින් පත්කළ නියෝජ්ය සෞඛ්ය සේවා අධ්යක්ෂ ජනරාල්වරයාම වත්මන් රජයේ සෞඛ්ය ඇමතිවරයා ලබා දෙන නියෝගයන් පිළිනොගන්නා තත්තවයටම පතිව ඇතැයි වෛද්යවරුන් අතර දැඩි කථාබහට පත්ව ඇතැයිද වාර්තාවේ.
