පසුගියදා සතොස ආයතනයේ සිදුවූ සුදුලූනු වංචාව හෙළිදරව් කර ගැනීමෙන් පසුව පාරිභෝගික අධිකාරියේ විධායක අධ්යක්ෂ ධුරයෙන් ඉවත්වන ලෙසට තමන්ට විවිධ දේශපාලන බලපෑම් එල්ල වෙමින් පවතින බවත් ලැබුණු මරණ තර්ජන සම්බන්ධයෙන් අපරාධ පරීක්ෂණ දෙපාර්තමේන්තුවට පැමිණිලි කර ඇති බවත් පාරිභෝගික කටයුතු පිළිබඳ අධිකාරියේ විධායක අධ්යක්ෂ තුෂාන් ගුණවර්ධන පවසයි.
සතොස ආයතනයේ සුදුලූනු කිලෝ ග්රෑම් 56,000ක් කුණු කොල්ලයට තොග ව්යපාරිකයකුට අලෙවි කිරීමේ වංචාව පිළිබඳව ඔහු හෙළිදරව් කළ කරුණු මෙසේය.
“මට දුරකථන ඇමතුමකින් තොරතුරක් ලැබුණා, සතොසෙ සුදු ලූණු තොගයක් පෞද්ගලික වෙළෙන්ඳකුට විකුණලා දැන් ඒවා යේ පොත්පත් වාර්තා හදනවා කියල. මම ඒ වෙලාවෙම කණ්ඩායමක් එතනට යැව්වා. එයින් අපට වංචාව අතටම අල්ල ගන්න පුළුවන් වුණා. මේ සුදු ලූනු ගෙන්වලා තිබෙන්නේ කිලෝ ග්රැම් එක 355ට. නමුත් මේව විකුණලා තියෙන්නේ පෞද්ගලක අංශයට රුපියල් 135 ගානේ. මුලු ගනුදෙනුව රුපියල් ලක්ෂ 74යි.
මේ සුදුලූණුවල දැන් මිල රුපියල් 540යි. මෙහිදී සිදුවන්නේ රුපියල් 135ට පිටතට යන සුදුලූනු නැවත රුපියල් 450ට යළි සතොසෙටම එනවා. මේ සිදුවීමට මේ වනවිට නියෝජ්ය සාමන්යාධිකරීවරයෙක් අත් අඩංගුවට අරන් තිබෙනවා. මේ සඳහා ඉහළ පහළ දෙකේම සම්බන්ධතා තිබෙනවා. නැතිනම් වංචාව හසුවෙලා පැයක් යන්න කලින් කිසිම පරීක්ෂණයක් නැතිව කොහොමද කියන්නෙ මේකට ඉහල කළමනාකරීත්වයෙන් කිසිම සම්බන්ධයක් නෑ කියල.
කොහොම වුණත් සිදුවීමෙන් පසුව මට විවිධ බලෑම් එල්ල වනවා. ජීවිතයට තර්ජනයක් වෙයි මේ තනතුර අතඅරින්න කියල කියනවා. කිසිම දේශපාලකයෙක් සෘජුව බලපෑම් කරන්නේ නෑ. නමුත් වෙනත් මාර්ගවලින් මට අස්වෙන්න කියල පණිවිඩ එනවා.
ඔහු මේ බව සඳහන් කළේ මාධ්යවේදී චමුදිත සමරවික්රම ගේ ටෘත් විත් චමුදිත යූ ටියුබ් නාලිකාව සමඟ සම්මුඛ සාකච්ඡාවකට එක්වෙිමිනි.
එහිදී තවදුරටත් අදහස් දැක්වූ වෘත්තියෙන් තාක්ෂණ ඉංජිනේරුවකු වන තුෂාන් ගුණවර්ධන පසුගිය ජනාධිපතිවරණයේදී ජනාධිපතිවරයාට සහය ලබා දුන් බවත් උසස් තනතුරුවලට පුද්ගලවයන් පත් කිරීමේ අයදුම්පත් හරහා පාරිභෝගික අධිකාරියේ අධ්යක්ෂ තනතුරට පත් වූ බවද සඳහන් කරයි.
රාජ්ය ආයතනවල ඉහළ තනතුරුවලට පත් කළ නිලධාරීන් සහ සභාපතිවරුන් ජනාධිපතිතුමා ගෙන්වා කෙළින් වැඩ කරන ලෙසත් කිසිදු විටෙක වැරදි දේවල් අනුමත නොකරන ලෙසත් ප්රකාශ කොට සියලු දෙනා දිරි ගැන්වුවද සෘජුව තීන්දු ගැනීමේදී පසුගිය කාලය තුළ ගැටලු රාශියක් පැන නැගලුණු බව ඔහු අනාවරණය කළේය.
එවැනි අත්දැකීමක් ලද මුල් අවස්ථාව ලෙස ඔහු සඳහන් කළේ ජාත්යන්තර පාරිභෝගික දිනය වෙනුවෙන් පවත්වන වැඩ සටහනකට අධිකාරියේ මුදල්වලින් ලක්ෂ හතරක් ලබා ගැනීමට අනුමැතිය ලබා ගැනීම බවත් එහිදී මෙම රජයේ මුදල් පාරිභෝගිකයන්ට සෙතක් වන වැඩකට මිස දේශපාලන ප්රචාර සඳහා නොයොදන ලෙස තමන් දැමූ සටහන හේතුවෙන් අදාළ අමාත්යවරුන් වන බන්දුල ගුණවර්ධන සහ ලසන්ත අලගියවන්න අමාත්යවරුන් අමනාප වු බවද ඔහු මෙහිදි සඳහන් කළේය.
“අපි මේ තනතුරුවලට ආවේ වැඩ කරන්න. ජනාධිපතිතුමාගේ සෞභාග්යෙය් දැක්ම කියවල. දැන් එතන සෞභාග්යයේ දැක්මක් ක්රියාත්මක වෙන්නේ නෑ. මේ ගැනන කලකිරීමක් තිබෙනවා. මේ නිසා මම තවදුරටත් මේ තනතුරේ කටයුතු කිරීමේ බලාපොරොත්තුවක් නෑ. “ යයිද තුෂාන් ගුණවර්ධන සඳහන් කළේය.
