අම්පාර පල්ලක්කාඩු කුණු කන්දේ ප්ලාස්ටීක් කැලි කසල ආහාරයට ගැනීමෙන් පසුගිය අට වසර තුළ අලි ඇතුන් 20ක් මියගොස් ඇතැයි ඔස්කාර් සම්මාන ලාභී සුප්රකට නළු ලියනාඩෝ ඩිකැප්රියෝ බෙදා ගත් Associated Press ප්රවෘත්තියට වනජීවී ආරක්ෂක රාජ්ය ඇමති විමලවර දිසානායක අද (29) පිළිතුරු දුන්නේය.
“සුද්දාගෙන් විස්තර අහන්න ඕන. මගෙන් අහන්න එපා,”
ඇමතිවරයා කීවේය.
තවද අලි ඇතුන් කුණු ගොඩවල්වලට නොපැමිණීම සඳහා අගල් කැපීම අවශ්ය වුවද ඒ සඳහා අවශ්ය කටයුතු කිරීමට තමන්ට මුදල් වෙන් කර නොමැති බව රාජ්ය අමාත්ය විමලවීර පැවසුවේය.
“අපි පහුගිය දවස්වල කුණු කන්ද වටේ අගලක් කැපුවා, නමුත් ද අලි ඒකත් කැඩුවා, අපි උපරිම උත්සාහ කරනවා මේ කටයුතු කරන්න. නමුත් අවශ්ය ප්රතිපාදන නැහැ,”
ඔස්කාර් සම්මාන ලාභි හොලිවුඩ් නළු ලියනාඩෝ ඩිකැප්රියෝ ට්විටර් පණිවිඩයක් මගින් බෙදා ගත් Associated Press ප්රවෘත්තියත් සමග ජාත්යාන්තර අවධානයට ලක්වුණු අම්පාර කුණුකන්ද ගැන පුවතට ප්රතිචාර දක්වමින් ඇමතිවරයා එසේ පැවසීය.
ඇතැම් නිලධාරීන් මෙන්ම ආයතනද අගල් කැපීමට බාධා කරන බවත් ඇතැම් පරිසර සංවිධාන මේ සම්බන්ධයෙන් තමාට එරෙහිව නඩු පවරා ඇති බවත් අමාත්යවරයා සඳහන් කළේය.
අලි ගම්වලට පැමිණීම වැළැක්වීමට තමා කළ හැකි උපරිමය කළ බව පැවසූ ඇමැතිවරයාගෙන් කුණු කා මැරෙන අලි ගැන ලියානාඩෝ ඩිකැප්රියෝ බෙදා ගත් ප්රවෘත්තිය ගැන විමසූවිට මෙසේ කීවේය.
“සුද්දාගෙන් විස්තර අහන්න ඕන. මගෙන් අහන්න එපා,”
අම්පාර දිස්ති්රක්කයේ පල්ලක්කාඩු ගම්මානයේ කුණු කන්දේ ප්ලාස්ටික් කුණු කසළ ආහාරයට ගැනීමෙන් පසුගිය වසර අටක කාලය තුළ අලි ඇතුන් 20ක් පමණ මියගොස් ඇති බව හොලිවුඩ් තරුව බෙදාගත් Associated Press, කතාවෙන් අනාවරණය විය.
කියවන්න…
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
ඔස්කාර් සම්මා ලාභී ලියනාඩෝ ඩිකැප්රියෝ කුණු කා මැරෙන අපේ අලි ගැන කම්පනයෙන්!
