අමන වැඩ කර එම ගොබ්බකම් වසා ගැනීමට අතේ පැලවෙන බොරු කීම අන්ත ජඩ වැඩකි. අද මහනුවර දුම්රිය ස්ථානයේ ලොක්කා එවැනි ගොං කතාවක් කීවේය.
මහනුවර නගරයට සිරි දළදා වන්දනාව සඳහා මිනිස්සු කෝච්ච් පිටින් ඇද අන්තිමට අද උදේ එක්වරම විශේෂ දුම්රිය නැවැත්තුවේය. විනාඩි 45කට සැරයක් පැමිණි නුවරට පැමිණි දුම්රිය ගමන නැවතිනි. මිනිස්සු දුම්රියේ යන්න පැමිණ අනාථ වූ විට අප මහනුවර දුම්රිය ස්ථානයෙන් කළ විමසීමේ දී දුම්රිය ස්ථානාධිපතිවරයා කීවේ දුම්රිය නවත්වා නැති බවය. ගමන්වාර කීපයක් අඩු කළ බවය.
මේ ඉන්නේ අද සිරි දළදා වන්දනාවට පැමිණ මහනුවර දුම්රිය ස්ථානයේ අනාථ වූ මිනිස්සුය. මේ අද රෑ මහනුවර දුම්රිය ස්ථානය ය. වීඩියෝපටය පටිගත වන්නේ රෑ 11ට ය. දුම්රියක් නැවත කොළඹට යන්නේ පෙරවරු 5.30ට ය. මේ ඉන්නේ දවස් තුනක්වත් මහපාරේ නිදාගෙන දළදා වන්දනා කළ මිනිස්සුය.
අප විමසන්නේ මිනිසුන් ගැන වගකීමක් නැති මේ රටේ මේ කුපාඩි රාජ්ය සේවයේ ස්වරූපය ගැනය. මුන් සමග මේ රටට එක අඟලක් යා හැකිදැයි අප දන්නේ නැත. දළදා වන්දනාව පෙන්වා දුන්නේ රටේ රාජ්ය නායකයාටත් වලංගු නැති රට තුළ ක්රියාත්මක මාෆියා ගැනය. රාජ්ය නායකයාගේ මනුෂ්යත්වය පිංගුත්තරකමක් සේ සලකා පිස්සු කෙළින කුපාඩි නිලධාරීන් පිරිසක් ගැනය.
