මනම්පිටිය නිමල් ජයරත්න –
සෙල්ලම් කරමින් සිටි බාලවයස් දරුවන් දෙදෙනකු අතර ඇති වූ ගැටුමක් පදනම් කරගෙන සිරිපුර පොලිසියේ සේවයේ නියුතු පොලිස් පරීක්ෂකවරයකු සිරිපුර පොලිසියට කරන ලද පැමිණිල්ලකට අනුව තම වයස අවුරුදු 11 ක පිරිමි දරුවා පොලොන්නරුව මහේස්ත්රාත් අධිකරණයට ඉදිරිපත් කිරීම නීති විරෝධී බව පවසා පොලොන්නරුව සිරිපුර, පිහිටිවැව නුවරගල ගම්මානයෙ 44 වියති දෙදරු මවක සිරිපුර පොලිසියට එරෙහිව මානව හිමිකම් කොමිෂන් සභාවට පැමිණිල්ලක් ඉදිරිපත්කොට ඇත,
නුවරගල, පිහිටිවැව, අංක 93/01 ලිපිනයේ පදිංචි දෙදරු මවක වන, එන්.ඩබ්ලිව්, නිලන්ති යන අය විසින් මෙම පැමිණිල්ල අනුරාධපුරයේ මානව හිමිකම් කොමිෂන් සභාව වෙත 25 වෙනිදා යොමු කර තිබේ,
තම නිවස අසල පදිංචි සිරිපුර පොලිස් ස්ථානයේ සේවය කරන පොලිස් පරීක්ෂකවරයෙකුගේ පුතෙකු සහ තම පුතු ඇළ අසල සෙල්ලම් කරමින් සිටියදී ඇතිවූ ආරවුලක් දුරදිග යාම හේතුවෙන් දෙදෙනා අඬ දබර වීමෙන් පසු පොලිස් පරීක්ෂකවරයාගේ පුතුට තුවාල වී තිබෙන බව පවසා දෙහිඅත්තකණ්ඩිය රෝහලට පසුගිය දෙවැනිදා ඇතුළත් කර තිබේ.
තම පුතු විසින් ලී කැබැල්ලකින් පහරදීමෙන් පසු වමනය යන බවට දෙහිඅත්තකණ්ඩිය රෝහලට ඉකුත් දෙවැනිදා ඇතුළත් කර ඇති අතර පසුව පොලිස් පරීක්ෂකවරයාගේ පැමිණිල්ල අනුව, සිරිපුර පොලිස් ස්ථානාධිපතිවරයා තම පුතු පසුගිය දොළොස් වැනිදා පොලොන්නරුව මහේස්ත්රාත් අධිකරණයට ඉදිරිපත් කර කෙරු බවත්, සිරිපුර පොලිස් ස්ථානාධිපතිවරයා අයුතු බලය භාවිතා කරමින් අවුරුදු 11 ක දරුවකු අධිකරණයට ඉදිරිපත්, කිරිම නීතිවිරෝධී බවත්, ඊට තමන්ට සාධාරණය ඉටුකරදෙන ලෙසත් එන්.ඩබ්ලිව් නිලන්ති මානව හිමිකම් කොමිෂන් සභාවෙන් එම ලිපිය මගින් ඉල්ලීමක් කර සින්නීය.
අප මේ පිළිබඳව සිරිපුර පොලිස් ස්ථානාධිපති ජී,ආර්.ජී. නෙත්තසූරියගෙන් දුරකථනයෙන් කළ විමසීමකදී සඳහන් කළේ පොලිස් පරීක්ෂකවරයාගේ දරුවාට සිදුව ඇති තුවාල පිලිබඳ පොලිස් පරීක්ෂකවරයා කරන ලද පැමිණිල්ල අනුව පාර්ශව දෙකෙන්ම කරුණු සටහන් කරගෙන පොලොන්නරුව අධිකරණයට කරුණු වාර්තා කර ඇති බවත්. මේ සම්බන්ධයෙන් පරිවාස දෙපාර්තමේන්තුවේ පොලොන්නරුව කාර්යාල මගින් විමර්ශන කටයුත්තක් සිදුකරන බවත්ය.
