තමන්ගේ වාහනේ පැති කණ්නාඩියේ වැදුනේ යැයි කියන තරුණ යතුරුපැදි කරුවෙකුට බොරලැස්ගමුව හල්පිට ප්රදේශයේ දී ලේ වමනේ යන තුරු මහ මග දමාගෙන පහර දුන් හමුදා කර්නල් වරයා පොලිස් ඇප තම නිදහස් කළ බව බොරලැස්ගමුව පොලිසිය පවසයි
පහර කෑමට ලක් වූ තරුණයා ලේ වමනය දමමින් සිටිය දී වෑතර රෝහලට ඇතුළත් කර තිබේ. අනතුරුව ගම්වාසීන් කර්නල් වරයාට එතැනින් පිටවීමට ඉඩ නොදී පොලිසිය දැනුම් දීමෙන් අනතුරුව පොලිසිය එම ස්ථානයට පැමිණ තිබේ.
ඒ අවස්ථාවේ දී කර්නල් වරයා පවසන්නේ තරුණයාගේ රියදුරු බලපත්රය පරීක්ෂා කළ බවත් බලපත්රය නැති බැවින් පහර දුන් බවත්ය.
මොනම පදනමක් මත හෝ කිසිවෙකුට පහර දිය නොහැකි බව පොලිසිය පවසද්දී එතැන සිටි වියපත් මිනිසෙක් කර්නල් වරයාගෙන් මෙසේ ඇසීය.
“ ඕයි… තමුසෙල කවද ඉඳන් ද ලයිෂන් චෙත් කරන්න ගත්තෙ“
කර්නල් වරයා තමන්ව වීඩියෝ නොකරන ලෙස බලපෑම් කරද්දී මිනිස්සු සිද්ධිය වීඩියෝ කර සමාජ මධ්යය ඔස්සේ බෙදා හැර තිබිණි. මේ සම්බන්ධව ඊයේ රටේ විශාල කථිකාවක් ඇති විය.
සිද්ධිය සම්බන්ධයෙන් බොරලැස්ගමුව පොලිසිය විමසූ විට පොලිසිය පැවසුවේ සිද්ධියට ස්ථානාධිපතිවරයාම මැදිහත් වූ බවය.
“ මේ තරුණයට වලංගු රියදුරු බලපත්රයක් නෑ. එතැන වරදක් වෙලා තියනවා. මොනම හේතුවක් මතවත් කිසිවෙකුට පහර දීමේ අයිතියක් නෑ. පහර දීම සම්බන්ධව කර්නල් වරයා බරපතල වරදක් කරලා තියනවා. මේ දෙපාර්ශවයම පොලිසියට ගෙන්නුවා.“
“ එහි දී පහර දීම පිළිබඳ පොලිස් පැමිණිල්ලක් කරන්න පහර කෑ තරුණයා ඉදිරිපත් වුනේ නෑ. ඔහු එකඟතාවයට එන්න කැමති වුණා. කර්නල්වරයා පහර කෑ තරුණයාගේ සියලු ප්රතිකාර විදයම් දරන්න එකඟ වුනා. ඒ අනුව සිද්ධිය සමතයකට පත් කරලා පොලිස් පොතේ ලියලා පොලිස් ඇප මත කර්නල්වරයා මුදා හැරියා.“
පොලිස් ප්රකාශකයා වැඩිදුරටත් කීවේය.
සිද්ධියට අදාලව මාධ්ය ඔස්සේ පලවුණු වීඩියෝව පහත දැක්වේ.
