ඕස්ට්රේලියාවේ සිඩ්නි හි නැගෙනහිර උපනගරයක් වන වෙස්ට්ෆීල්ඩ් බොන්ඩි හි සුපිරි වෙළෙඳසලක් තුල සිදුවූ පිහි ඇනුමකින් පුද්ගලයින් හය දෙනෙකු මියගොස් තවත් බොහෝ පිරිසක් තුවාල ලබා ඇති බව ප්රාදේශීය පොලිසිය අද (13) වාර්තා කළේය.
ඔස්ට්රේලියානු වෙලාවෙන් අද පස්වරු 3.20ට පමණ සිදුවූ මෙම සමූහ ඝාතනයෙන් මිය ගිය පිරිස අතර කාන්තාවක් සහ ඇගේ මාස නවයක් වයසැති බිළිඳා ඇතුළුව සාප්පු සවාරියේ යෙදුන පිරිසක් වෙති. ඝාතකයා අහඹු ලෙස තෝරා ගත් පුද්ගලයින් වෙත මෙම පිහි ප්රාහාර එල්ල කර තිබේ.
භීතියට පත්වූ පුද්ගලයින් දිව යද්දී ඝාතකයා විසන් හඹාගොස් පිහි ප්රහාර එල්ල කර තිබිණි.
මේ අවස්ථාවේ අසල සිටි ජ්යෙෂ්ඨ පොලිස් නිලධාරිණියක එම පුද්ගලයා නැවැත්වීමට උත්සාහ කර තිබිණි. ඇය ඔහු පසුපස සාප්පු සංකීර්ණය හරහා හඹා ගොස් තිබුණාය. පසු ඔහු ඇයට එරෙහිව පිහියඑසවීමත් සමඟ ඇය ඔහුට වෙඩි තබා ඇත. වෙඩි ප්රහාරයෙන් ඝාතකයා මිය ගොස් තිබේ. ඝාතකයාට පොලිස් නිලධාරිණිය වෙඩි තැබූ පසු අවස්ථාව පහත දැක්වේ..
ඝාතකයාගේ පිහි ප්රහාරයට ලක් වී පුද්ගලයින් පස් දෙනෙක් එම ස්ථානයේම මිය ගොස් තිබේ. තවත් එක් පුද්ගලයෙක් රෝහල්ගත කිරීමෙන් පසු මිය ගොස් ඇත. රෝහල්ග කළ පසු මිය ගොස් ඇත්තේ නව මස් ළදරුවාගේ මවය.
මේ අම්මා පිහි ඇනුම නිසා ලද තුවාලවල වේදනාව දරාගෙන තම ළදරුවා බේරා ගැනීමට සටන් කළ අනුවේදනීය ආකාරය ගැන ඇසින් දුටුවන් සාක්ෂි දී තිබිණි.
සුපිරි වෙළෙඳ සංකීර්ණයේ ආපනශාලාවක් හිමි පුද්ගලයෙක් නිර්භීත පොලිස් නිලධාරිනිය විසින් වෙඩි තැබූ අවස්ථාව සියැසින් දැක තිබිණි. ඔහු ප්රකාශ කළේ සෙන්ටි මීටර 15ක් පමණ දිග පිහියක් සහිතව ඇයට ප්රහාර එල්ල කිරීම සඳහා ඝාතකයා පැමිණි බවත් පොලිස් නිලධාරිනිය පිහිය ඉවත් කරන ලෙස අවවාද දුන් බවත්ය.
“ ඔහු ඇයව ඔහු වෙත වෙඩි තැබිය යුතු තත්ත්වයට පත් කළා. ඇය ඉතා සන්සුන්ව ඒ දේ කළා. ඩින්කිල් news.com.au වෙත පවසා තිබිණි. හතරවන තට්ටුවේ වෙළෙඳ සලක් ඉදිරිපිට තරුණයින් දෙදෙනෙක් මරා දැමු ආකාරය ඇසින් දුටු සාක්ෂිකරුවෝ එම වෙබ් අඩවියට දුටු දේ පවසා තිබුණහ.
ඝාතකයා අධික ලෙස මත්ද්රව්ය වෙත හුරු වූ අයෙක් බවට ද තොරතුරු වාර්තා වේ.
සහකාර පොලිස් කොමසාරිස් ඇන්තනි කුක් සෙනසුරාදා රාත්රියේ මාධ්ය හමුවකදී කියා සිටියේ ත්රස්තවාදය බැහැර නොකරන නමුත් ඔවුන් තවමත් චේතනාවක් තහවුරු කර නොමැති බවයි. මූලික පරීක්ෂණවලින් පෙනීයන්නේ මේ පුද්ගලයා තනිවම ක්රියා කර ඇති බවයි. තවදුරටත් තර්ජනයක් නොමැති වීම ගැන මම සෑහීමකට පත්වෙනවා, ”ඔහු පැවසීය. ඔහුව මෙල්ල කළ අයුරු පහත දැක්වේ.