සියල්කෝට්හි සිදුවූ අතිශය අමානුෂික ඝාතනය පිළිබඳ සිය කම්පනය සහ අප්රසාදය පලකරමින් අධිකරණ අමාත්ය එම්.යූ.එම් අලි සබ්රි විසින් නිවේදනයක් නිකුත් කර තිබේ.
එම නිවේදනයේ මෙසේ සඳහන් වේ.
ප්රියන්ත කුමාර මහතා පකිස්ථානයේදී ප්රචණ්ඩ සහ අඤාණ පිරිසක් අතින් මිය යාමේ පුවත ඇසීමෙන් මහත් කම්පනයට හා භීතියට පත් වූයෙමි.
වෛරී අපරාධ යනු සමාජයට පිළිකාවක් වන අතර එය මුළුමනින් මුලිනුපුටා නොදැමුවහොත් ජාතියක දේහය විනාශ කරයි.
මෙම දුෂ්කර කාලය තුළ මගේ සිතුවිලි සහ මගේ යාච්ඤාවන් වින්දිතයාගේ පවුල වෙත යොමු වේවා…
මෙම ම්ලේච්ඡ ක්රියාව සිදු කළ අපරාධකරුවන් නීතිය හමුවට පමුණුවා නීතියේ සම්පූර්ණ බලයට යටත් කළ යුතුය.
පාකිස්ථාන අග්රාමාත්ය ගරු ඉම්රාන් ඛාන් මේ වන විටත් පරීක්ෂණ අධීක්ෂණය කිරීමට පියවර ගෙන ඇති අතර දැඩි ක්රියාමාර්ග ගන්නා ලෙස බලධාරීන්ට දැඩිව උපදෙස් දී තිබේ.
ප්රධාන සැකකරු ඇතුළු සැකකරුවන් 100කට ආසන්න ප්රමාණයක් දැනටමත් අත්අඩංගුවට ගෙන තිබීමද සාධනීය වර්ධනයකි.
අන්තවාදයට මෙලොව ඉඩක් නොමැති අතර, එය ඕනෑම ආකාරයකින් පැවතීම සමාජයේ සෑම කෙනෙකුටම තර්ජනයකි. කිසිවකු එහි අත්තනෝමතිකත්වයට මුහුණ දිය යුතු නැත.
සෑම කෙනෙකුම ආරක්ෂිත නොවේ නම්, කිසිවෙකු ආරක්ෂිත නැත.