දිනසේන රතුගමගේ –
-
ඊයේ පමණක් එළවළු තොග කිලෝ ලක්ෂ හතරක් ගොවීහු ආපසු රැගෙන යති…
උතුරේ පවතින දැඩි ඉන්ධන හිඟය හේතුවෙන් යාපනය ඇතුලු උතුරු ප්රදේශයේ එළවළු තොග දඹුල්ල හා තඹුත්තේගම විශේෂ ආර්ථික මධ්යස්ථන වෙත ප්රවාහනය කිරීම මේ වන විට සම්පූර්ණයෙන්ම නතර වී තිබේ.
මේ හේතුව නිසා යාපනයේ පමණක් ඊයේ (1) සවස් වන විට එළවළු කිලෝ ලක්ෂ හතරකට වඩා වැඩි ප්රමාණයක් ලොරි වලට ලබා දීමට නොහැකිව ගොවීන් විසින් ආපසු රැගෙන ගොස් තිබේ.
කිළිනොච්චිය ප්රදේශයට පිට පළාත්වලින් වාහන කිසිවක් එළවළු රැගෙන යාමට පැමිණ නොමැති අතර වවුනියාව තොග වෙළද මධ්යස්ථානය වෙත පිට පළාත් වලින් ඊයේ පැමිණියේ ලොරි 18 ක් පමණක් බව තොග වෙළද මධ්යස්ථානයේ සභාපති එස්.කුමාරන් පැවසීය.
වෙනත් දිනවලදී වවුනියාව තොග මධ්යස්ථානය වෙත පිටස්තර පළාත් වලින් ලොරි 250කට අධික ප්රමණයක් පැමිණෙන බවද ඔහු සඳහන් කළේය.
උතුරේ බොහෝ ඉන්ධන පිරවුම්හල්වල ඩීසල් නොමැතිකම නිසා වාහන හිමියන් ඉතා දිගු පෝලිම්වල පැය ගණන් රස්තියාදු වෙමින් ඉන්ධන සොයන නමුත් ඔවුන්ට ඉන්ධන සොයා ගැනීමට නොහැකි වී තිබේ.
ඉන්ධන සොයා ඉන්ධන පිරවුම්හල් අසල මහ මග වාහන විශාල ප්රමාණයක් නවතා තිබීම නිසා මාර්ග වල දැඩි තද බදයක් පැවති අතර මේ නිසා සෙසු වාහන වලටද ගමන් කිරීමේ විශාල අපහසුවක් පැවතුණි.
