සැක සංකා මත පිහිටා ආර්ථික අස්ථාවර කරන ප්රකාශ නොකර සිටින ලෙස විපක්ෂයේ දේශපාලනයේ කරමින් ආර්ථික විශාරදයින් ලෙස පෙනී සිටින්න සියලු දෙනාගෙන් ඉල්ලා සිටින්නේ යැයි ජනාධිපති අනුර කුමාර දිසානායක අද (21) පාර්ලිමේන්තුවේ දී කියා සිටියේය.
මුදල් අමාත්යාංශයේ වැය ශීර්ෂය පිළිබඳ කාරක සභා විවාදයට එක් වෙමින් ජනාධිපතිවරයා ප්රකාශ කළේ ඉතාම දුර්වල තත්ත්වයකින් ගොඩනැගෙමින් ඇති ආර්ථිකයක් එවැනි ප්රකාශවලට ඔරොත්තු නොදෙන බවත් එම ප්රකාශ රටේ සමස්ථ මූල්ය වෙළෙඳපලේ පැවැත්මට බලපෑ හැකි බවත්ය.
“ආර්ථිකය ස්ථාවර කරගැනීම පුරවැසියන් ලෙස මහජන නියෝජිතයන් ලෙස අපි හැමෝමගෙම වගකීම.”
“මම ඔබෙන් ඉල්ලා සිටිනවා අවදානම් සහිත අසත්ය කරුණු සමාජයට ඉදිරිපත් කරන්න එපා. හෙට එය බැංකු පද්ධතියට කොටස් වෙළෙඳපලට ආයෝජකයින්ට අවිශ්වාසයක් ඇති කළ හැකියි. සුමටව ගලාගෙන යන ආර්ථිකයකට එවැනි ප්රකාශ බලපෑම් ඇති කරන්නේ නැති නමුත් අපේ වැනි ආර්ථිකයකට ඒ ප්රකාශයන් ප්රබල බලපෑම් ඇති කළ හැකියි.
“සැකය තියනවා නම් පළමුව අපි හමුවෙලා කතා කරමු. කතා කරලා සැකය නිරවුල් කරගන්න බැරිනම් එළියට කියන්න. අපි එකට වැඩ කරපු අය. අපි හොඳන් දන්නා අය. අපට කතා කරලා තේරුම් කර ගන්න පුලුවන් දේවල් තියනවා. ඉන් ඔබේ සැකය විසඳෙන්නේ නැතිනම් ඒ ගැන එළියෙ කියන්න. හැබැයි සැකය සහිත අවදානාත්මක කරුණු එළියෙ කියන්න එපා. ඒක විශාල බලපෑමක් ඇති වෙනවා. ”
ජනාධිපතිවරයා පැවසුවේ පවතින දුෂ්කර තත්ත්වයෙන් රට ගොඩගැනීමට සියලු දෙනාටම එක හා සමාන වගකීමක් ඇති බවය.
පාර්ලිමේන්තුව අමතමින් ජනාධිපතිවරයා පැවසුවේ ආර්ථික ස්ථාවරතාවයට නොගෙන ආර්ථිකයේ කිසිම හැරවුමක් නොගන්නා බවය.
කුඩා ප්රමණයකින් කරගන්නා අත් වැදීමකින් මහා විනාශකාරී බරපතල ප්රතිවිපාක රටටත් ජාතියටත් උරුම වන බව කී ජනාධිපතිවරයා මේ ගමන කුඩා ප්රමාණයකින් හෝ වරද්දා ගන්නේ නැති බව කීවේය.
සිය කතාව අතර තුර ජනාධිපතිවරයා කීවේ සියඹලාණ්ඩුවේ සූර්ය බලාගාරයක් සහ මන්නාරමේ සුළං බලාගාරයක් ඉදිකිරීම තහවුරු වී ඇති බවය. විදේශගත ශ්රී ලාංකිකයන්ගෙන් ලැබෙන ප්රේෂණ මෑත ඉතිහාසයේ ඉහළම මට්ටමට ළඟා වූ අතර එය පසුගිය මාස දෙක තුළ ඇමරිකානු ඩොලර් මිලියන 1,121 ක් බව ජනාධිපතිවරයා පෙන්වා දුන්නේය.
මන්ත්රීවරුන්ගේ විශ්රාම වැටුප් අහෝසි කිරීමේ පනත් කෙටුම්පත හැකි ඉක්මනින් පාර්ලිමේන්තුවට ඉදිරිපත් කරන බවත් මන්ත්රීවරුන් සඳහා දැනට පවතින රුපියල් මිලියන 1 ක රක්ෂණ ආවරණය අගෝස්තු මාසයේදී රුපියල් 250,000 දක්වා අඩු කෙරෙන බවත් ජනාධිපතිවරයා පැවසුවේය.
එමෙන් ජනාධිපතිවරයා අවධාරණය කළේ බදු නොගෙවන හෝ බදු වංචා කරන ව්යාපාරිකයින්ට එරෙහිව ඉක්මනින්ම දැඩි ක්රියාමාර්ග ගන්නා බවය. තවද අග්රාමාත්යවරියගේ ප්රධානත්වයෙන් යුත් කමිටුවක් රාජ්ය අංශයේ පුරප්පාඩු 15,300 ක් හඳුනාගෙන ඇති අතර ඒවා නිශ්චිත ආකාරයෙන් පුරවන බවට සහතික වුනේය.
සෑම රජයේ සේවකයෙකුම අමතර ගෙවීම් අපේක්ෂා නොකර තම රාජකාරි ඉටු කළ යුතු අතර අල්ලස් ලබා ගැනීමට එරෙහිව දැඩි ක්රියාමාර්ග ගන්නා බව ද ජනාධිපතිවරයා අවධාරණය කළේය. අවසාන ඉලක්කය ඩිජිටල් කරණය වූ මුදල් සංසරණය නොවන ආර්ථිකයක් නිර්මාණය කිරීම බව ද ජනාධිපතිවරයා ප්රකාශ කළේය.
ජනාධිපතිවරයා අද කළ සම්පූර්ණ කතාව පහත දැක්වේ.
