ඒ සිද්ධිය ඔබට අමතක නැතිව ඇතැයි සිතමු. රාවණා ඇල්ලෙන් පහළට ඇද වැටුණු ඊශ්රායාල ජාතික තරුණියගේ කතාව… මරණයෙන් කෙළවර වන්නට අතිශය ඉහළ සම්භාවිතාවක් තිබුණු ඒ බිහිසුණු පුවත ගිය අවුරුද්දේ මේ වකවානුවේ දී සමාජ මාධ්යය උණුසුම් කළේය. ඇය ඒඩ්න් සිරී ය.
ඒ මාරක අනතුරින් දිවි බේරාගෙන වසරකට පසු ඇය යළි ලංකාවට පැමිණ සිටියාය. 2021 වසරේ සැප්තැම්බර් 15 වැනි දින රාවණා ඇල්ලෙන් ඇදවැටී බරපතළ තුවාල ලබා බදුල්ල රෝහලේ දී සැත්කමකට ලක්ව දිවි බේරා ගත් ඒඩ්න් ලංකාවට එන්නේ ඒ අවස්ථාවේ තමා වටා සිටි ලංකාවේ අසීමිත මිනිස්සුන් ස්තුති කර යන්නටය.
ඒඩ්න් ඒ බිහිසුනු ඒ අතීත මොහොත සිහිකළාය.
.“2021 වසරේ කොවිඩ් වසංගතය උපරිම ලෙස පැතිරිලා ගිහින් තිබුණා. ශ්රී ලංකාවට සංචාරකයින් එන්නේ නැති තරම් … ඒත් අපි අගෝස්තු මාසය අවසානයේ දොළොස් දෙනෙක් ගෙන් යුත් කණ්ඩායමක් ලංකාවට ආවා. අපිට ලංකාව පුරා ඇවිදින්න ලොකු වුවමනාවක් තිබුණා .අපි හරි කැමතියි සොබාදහම විඳින්න. අපි හරියට ගහ කොළ සතා සිව්පාවා එක්ක ජීවත් වෙන්න ආසයි.
මේ ආදරය එක්ක අපි බදුල්ලට ආවා රාවණා ඇල්ල බලන්න. රාවණා ඇල්ල බලලා එතැන එහෙ මෙහේ ඇවිදිනකොට තමයි මේ අනතුර සිද්ධ වුණේ.. රාවණා ඇල්ල බලන්න ගිය හැටිත් ඇල්ල දුටු හැටි මට මතකයි ලිස්සලා වැටුණට පස්සේ කිසි දෙයක් මතක නැහැ හුඟක් දෙනෙක් හිතිල තියෙන්නේ මම ආයෙ ජීවත් වෙන්නේ නැති වෙයි කියලා…”
ඒඩන් ඇල්ල අසල ගල් මත ඇවිදිමින් සිටියදී ගලක් මතින් ලිස්සා අඩි දහයකට වැඩි උසකින් පහළට ඇද වැටී තිබිණි. ඇය ඇදවැටීමෙන් පසු හිසේ අභ්යන්තර රුධිර වහනයක් සමග ප්රතිකාර සඳහා අවසානයේ බදුල්ල රෝහලට යොමු කොට තිබිණි. ඒ රෝහල් ගණනාවකින් මාරු කිරීමෙන් අනතුරුවය.
ඇය වහාම ප්රතිකාර සඳහා යොමු කරන්නට මැදිිහත් වන්නේ ඒඩ්න් නතර වී සිටි හෝටලයේ කළමණාකාර ගැමුණු පෙරේරාය. ඔහු ඒ සිද්ධිය සිහි කළේය.
”අපේ හෝටලයේ නතර වී සිටි කණ්ඩායමෙන් කෙනෙක් රාවණා ඇල්ලෙන් ඇද වැටී බවට පණිවිඩය ලද සැනින් මම සුවසැරිය ගිලන් රථයක් හෙවුවා . ඒ කාලේ කොවිඩ් නිසා ගිලන්රථ හොයාගන්න තිබුණේ නැහැ නමුත් මගේ වාසනාවකට කුඹල්වෙල හන්දිය ගිලන් රථයක් නතර කර තිබුණු බවට පණිවිඩයක් ආවා. එම ගිලන් රථයෙන් ඇයව වැල්ලවාය රෝහලට ගෙන ගියා.“
බරපතළ තුවාල තිබුණු නිසා ඇය සිහිසුන් වි සිටි නිසාත් වැල්ලවාය රෝහලේ සිට ඇයව නැවත මොණරාගල රෝහල වෙත ගෙන යන්න ට සිදුවුණා. මොනරාගලින් නැවත බදුල්ල රෝහලට රැගෙන ගොස් එහිදී සැත්කම් සදහා යොමු කරන්නට වෛද්යවරු කටයුතු කළා. ඒ අතරතුර අපි මැදිහත්ව ඒඩ්න්ගෙ දෙමව්පියන්ට මේ බව දැනුම් දෙන්න කටයුතු කළා. ඔවුන් විගස ලංකාවට පැමිණියා. ..”
බදුල්ල රෝහලේ දී ඒඩ්න් සිරි ගේ ජීවිතයේ අවදානම වගකීමක් ලෙස ගත්තේ වෛද්ය ලක්මාල් හේවගේ ය. ඔහු කඩිනමින් ඇය ශල්යකර්ම සදහා යොමුකර අභ්යන්තර රුධිර වහනය නතර කිරීමටත් ලේ කැටිති ඇති තැන් යථා තත්ත්වයට පත් කිරීමටත් කටයුතු කොට තිබිණි..
”. ඒඩ්න් ගෙ ශල්යකර්මය අවසන් වුණාට පස්සේ මම ඊශ්රායල් වෛද්යවරයෙක්ට කතා කළා.. ඇයගේ තත්ත්වය පැහැදිලි කළා. මොකද ඇය ඊශ්රාලයට අයිති තරුණියක්. මට වුවමනා කළේ ඇය ජීවත් කරන්න.“
“ඒ කාලේ කොවිඩ් අවදානම සහිතයි . හදිසි ප්රතිකාර ඒකකයේ පවා හිටියේ කොවිඩ් රෝගීන්..
ශල්යකර්මයෙන් පසුව ඇය සුව අතට පත් වෙන බව මට දැණුනා. ඒ වන විට ඇයගේ දෙමව්පියන් ඇයව බලන්න ආවා. අනතුරුව ඇයව හෙලිකොප්ටරයකින් කොළඹ ආසිරි රෝහලට රැගෙන ගියා.“
යම් තරමකට සුවයක් ලද පසු ඇය සිය මව් රට බලා ගෙන යනු ලැබුවාය. දැන් ඒඩන්ට සම්පූර්ණයෙන් සුවය. ඒ කෘතවේදී තරුණිය ඒ සිදුවීමට වසරක් පිරෙන මොහොතේ සිය පෙම්වතා සමග ලංකාවට පැමිණ තිබුණාය. මේ වසරේ සැප්තැම්බර් 15 ඇය ලංකාවට පැමිණියේ ජීවිතය අත්හැරුණු මොහොතක ඇයට උපකාර කළ සියලු දෙනා දකින්නටය. ඔවුන්ට තෑගි බෝගත් ඇය ගෙනැවිත් තිබුණාය.
ඇය අනතුර සිදු වූ තැනට ගියාය. ජීවිතය අත්හැරුණු මොහොතේ යළි එය ගැටගසා දෙන්නට මැදිහත් වූ සියලු දෙනා හමුවෙමින් කතා කළාය. වෛද්යවරුන් මුණ ගැසුණාය.
ස්තුතියි ලංකාවෙ උතුම් මිනිස්සුන්ට. ඒඩ්න් කියන්නෙ එසේය.
මේ මෙහොතේත් ඇය ලංකාවේ රැඳී සිටින්නීය.
