මහනුවර ජාතික රෝහලේ හෘද රෝග ඒකකයේ ශල්යකර්ම සඳහා අත්යවශ්ය ශල්ය භාණ්ඩ සහ ඖෂධ හිඟ වීම නිසා හෘද සැත්කම් සීමා කිරීමට සිදු වී ඇති බවත් මේ පසුබිමේ දි තවත් සතියකින් පමණ සැත්කම් නවතා දැමීමට සිදුවනු ඇති බවත් රෝහල් ආරංචි මාර්ග කියයි.
මේ හේතුවෙන් ශල්යකර්ම සඳහා පොරොත්තු ලේඛනයේ සිටින දහසකට ආසන්න රෝගීන් සිය ජීවිත අවදානම පිළිබඳ කනස්සල්ලෙන් පසුවෙති.
මහනුවර ජාතික රෝහලේ සියලුම විවෘත හෘදසැත්කම් සතියක පමණ කාලයකදී නැවතිවීමට සිදුවන්නේ
ප්රධාන වශයෙන් අත්යවශ්ය ශල්ය උපකරණ, ශල්ය පාරිභෝගික භාණ්ඩ හිඟය සහ අත්යවශ්ය ඖෂධ හිඟය හේතු වන අතර එම හිඟ ඖෂධ අතර
1.Tranexamic acid injection
2.Phenyleephrine injection
සහ
අදාළ උපකරණ සහ ශල්ය පාරිභෝගික භාණ්ඩ අතර
1. Oxygenators
2. Mechanical Heart Valves – -Mitral Valves
– Aortic Valves
3. Suture materials for Bypass surgeries & Valve surgeries
4. IO bands
5. Heart pacing vires
6. Urinary catheters
7. Blower misters for beating Heart surgeries.
ආදිය වේ.
මේ සම්බන්ධයෙන් මහනුවර ජාතික රෝහලේ අධ්යක්ෂ වෛද්ය ඉරේෂා ද සිල්වා ප්රකාශ කර සිටියේ ඇතැම් ශල්ය උපකරණ සහ ඖෂධ හිඟවීම මේ කාලයේ බහුලව දක්නට ලැබෙන නමුත් හැකි අයුරින්ය අවශ්ය ශල්යකර්ම සිදු කිරීම සඳහා කටයුතු කරන බව ය.
ඇතැම්විට ්යකර්ම සඳහා අවශ්ය වන ශල්ය භාණ්ඩ රෝගීන් ලබා ගෙන්වීමට සිදුවන බව ද එමගින් අඩුපාඩු සපුරා ශල්යකර්මය සිදු කර දීමට කටයුතු කරන බවද ඇය කියා සිටියාය.
