වලාන දූෂණ මර්ධන ඒකකයේ නිලධාරියෙක් ලෙස පෙනි සිටිමින් සම්බාහන මධ්යස්ථානයකට පැන එහි සේවිකාවන් බියවද්දා රුපියල් තුන් දහසක කප්පමක් ලබා ගැනීම මත අධිකරණයටත් ඉදිරිපත් කළ පොලිස් කොස්තාපල් වරයෙකුගේ ස්ථාන මාරුව අවලංගු කරන ලෙසට පාර්ලිමේන්තු මන්ත්රී මුදිතා ප්රියශාන්ති ද සොයිසා කරන ලද ඉල්ලීමක් ප්රතික්ෂේප කළ සබරගමු නියෝජ්ය පොලිස්පති ප්රියන්ත ලියනගේ සම්බන්ධව විමර්ශනයක් කර සුදුසු පියවර ගන්නා ලෙස ඉල්ලමින් ඇය ජනාධිපතිවරයාට, අගමැතිවරයාට, මහජන ආරක්ෂාව පිළිබඳ ඇමතිවරයාට සහ පොලිස්පතිවරයාට ලිඛිතව දන්වා තිබේ.
ඇය පවසා ඇත්තේ මහජන නියෝජිතයෙක් වූ තමන් මහජනතාව ඉදිරියේ මෙම නිලධාරියා විසින් අපහසුතාවයකට පත් කළ බවය.
වාර්තා වන ආකාරයට සිද්ධිය මෙසේය.
සති කීපයකට පෙර වලාන දූෂණ මර්ධන ඒකකයෙන් බව කියමින් සම්බාහන මධ්යස්ථානයකට පැන මුදල් ලබා ගත් පොලිස් කොස්තාපල්වරයෙකුට සිද්ධිය සම්බන්ධව විමර්ශන ආරම්භ කළ වහාම ස්ථාන මාරුවීමක් ලබා දී ඇත.
පොලිස් කොස්තාපල්වරයා එම ස්ථාන මාරුව අවලංගු කර ගැනීමට රත්නපුර දිස්ත්රික් පාර්ලිමේන්තු මන්ත්රීනී මුදිතා ක්රිෂාන්ති ද සොයිසා හමුවට ගොස් තිබේ.
එම අවස්ථාවේ මන්ත්රීවරිය නියෝජ්ය පොලිස්පති ප්රියන්ත ලියනගේ ව දුරකථන ඇමතුමකින් සම්බන්ධ කරගෙන පවසා ඇත්තේ මෙම ස්ථාන මාරු අවලංගු කරන ලෙසය.
එයට පිලිතුරු ලබාදී ඇති නියොජ්ය පොලිස්පතිවරයා එම පොලිස් කොස්තාපල්වරයා ට ඇති චෝදනා සහ පවතින තත්වය තේරුම් කර දී දුරකථනය විසන්ධි කර තිබේ .
දුරකථනය විසන්ධි කිරීම ගැන කිපුණු මන්ත්රීවරිය නියෝජ්ය පොලිස්පතිවරයා විසින් ජනතාව ඉදිරියේ තමන් අපහසුතාවයට පත් කළ බව කියමින් ඔහුට එරෙහි විමර්ශන කටයුත්තක් ආරම්භ කරන ලෙසට ජනාධිපතිවරයා, අගමැතිවරයා, පොලිස්පතිවරයා සහ මහජන ආරක්ෂාව පිළිබඳ ඇමතිවරයා වෙත මෙසේ ලිඛිතව දන්වා ඇත.
ඇය වැඩිදුරටත් එම ලිපියෙන් පවසා ඇත්තේ රත්නපුර දිස්ත්රික්කයේ මෙතෙක් සිටි කිසිදු උසස් පොලිස් නිලධාරියකු මෙලෙස කටයුතු කර නැති බවත් ඔහු සමග රාජකාරි කිරීමට නොහැකි බව රත්නපුර දිස්ත්රික්කයේ පොලිස් ප්රධානීන් තමන්ට දන්වා ඇති බවත්ය.
රත්නපුර කොට්ඨාස භාර ජ්යෙෂ්ඨ පොලිස් අධිකාරිවරයා සහකාර පොලිස් අධිකාරිවරුන් තිදෙනෙකු ,පොලිස් ස්ථානාධිපතිවරුන් තිදෙනෙකු පසුගිය දා සබරගමුව පළාත් භාර ජ්යෙෂ්ඨ නියෝජ්ය පොලිස්පති සංජීව ධර්මරත්න මුණගැසීමට පැමිණ නියෝජ්ය පොලිස්පති ප්රියන්ත ලියනගේ සමග රාජකාරි කිරීමට අපහසු බවට පැමිණිලි කර ඇති බව ජ්යෙෂ්ඨ පොලිස්පති කාර්යාලයේ නිලධාරියකු පැවසීය .
කෙසේ වෙතත් එලෙස ගිය සියලුම නිලධාරීන් චෝදනා වලට ලක් වූ විමර්ශන ආරම්භ වීමට නියමිත අය බව අනාවරණය වී ඇත.
