අත්අඩංගුවට ගැනීමට වරෙන්තු නිකුත් වී තිබිය දී නීතියට අවනත නොවී සැඟවී සිටින හිටපු පොලිස්පති දේශබන්දු තෙන්නකෝන් පිළිබඳ යම් තොරතුරක් වෙතොත් අපරාධ පරීක්ෂණ දෙපාර්තමේන්තුවට දැනුම් දෙන ලෙස පොලීසිය ජනතාවගෙන් ඉල්ලා සිටී.
පොලිස් මාධ්ය ප්රකාශක, ජ්යෙෂ්ඨ පොලිස් අධිකාරි බුද්ධික මනතුංග අද (06) සහභාගී වූ මාධ්ය හමුවක ප්රකාශ කළේ රාජකාරිය අධිකරණ නියෝගයකින් තහනම් කළ හිටපු පොලිස්පතිවරයා අත්අඩංගුවට ගැනීම සඳහා මේ වනවිට කණ්ඩායම් කිහිපයක් යොදවා පරීක්ෂණ සිදුකරන බවය.
රාජකාරි අත්හිටවූ පොලිස්පතිවරයාව අත්අඩංගුවට ගැනීමේ ක්රියාවලියේ දි ඔහු සම්බන්ධව කිසිදු විශේෂ සැලකිල්ලක් පොලීසිය නොදක්වන බවත් අධිකරණ නියෝගයකට අවනත නොවී පැන ගිය සැකකරුවන් අත්අඩංගුවට ගන්නා ක්රමවේදය යටතේම ඔහු අත්අඩංගුවට ගැනීමට පොලීසිය කටයුතු කරමින් බවත් පොලිස් මාධ්ය ප්රකාශකවරයා කීවේය.
තව ද පොලිස් මාධ්ය ප්රකාශයකවරයා කීවේ ඔහුට සැඟවී සිටීමට යම් අයෙක් උදව් කරන්නේ නම් ඒ සම්බන්ධයෙන් ද දණ්ඩ නීති සංග්රහය අනුව කටයුතු කරන බව.
රාජකාරිය අත් හිටවූ පොලිස්පති දේශබන්දු තෙන්නකෝන් මේ වනවිට රටින් පිටව ගොස් නැති බවත් ඔහු රට තුළම සිටින බවත් පොලිස් මාධ්ය ප්රකාශකවරයා පැවසීය.
කෙසේ වෙතත් සමාජයේ පොදු කතාබහ තුළ ඇත්තේ ඔහු රජයේ ද දැනුම්වත්වීම සහිතව හිටපු ඇමතිවරයෙකුගේ රැකවරණයේ සිටින බවය.
