ලෝක කුසලානයට සුදුසුකම් ලැබීමේ තරගාවලියේ සුපිරි වටයේ පළමු තරගයෙන් අද ඕමාන කන්ඩායම ලකුණු 14කින් පරාජය කරමින් සිම්බාබ්වේ කණ්ඩායම තියුණු ජයග්රහණයක් ලැබීය.
ලකුණු 14ක් තියුණු ජයග්රහණයක් වන්නේ ඔවුන් රැස් කළ ලකුණු සංඛ්යාව සහ එය හඹා ගිය ආකාරය අනුවය.
කාසියේ වාසිය දිනූ ඕමාන කණ්ඩායම පන්දු රැකීම තේරුවේය. පන්දුවට පහර දුන් සිම්බාබ්වේ කණ්ඩායම ලකුණු 332ක් රැස් කළේය.
ඕමාන කණ්ඩායමේ පන්දු රැකීම පැවතියේ දුර්වල තැනකය. ඒ අවසරය සිම්බාබ්වේ කණ්ඩායම කදිමට භාවිතා කළේය.
සිම්බාබ්වේ කණ්ඩායම වෙනුවෙන් විශිෂ්ට ඉනිමක් ක්රීඩා කළ ශෝන් විලියම්ස් පන්දු 103ක දි හතරේ පහර 14ක් සහ හයේ පහර 03ක් සමගින් ලකුණු 142ක් ලැබුවේය. සිකන්දරාසා පන්දු 49ක දි ලකුණු 42ක් ලැබුවේය. ඒ හතරේ පහර 06ක් සමගිනි. ලූක් ජොන්වෙල් පන්දු 28ක දී ලකුණු 43ක් ලැබුවේය.
පන්දු යැවීමේ දී ෆයියාස් බට් ඕමානය වෙනුවෙන් විශිෂ්ට පන්දු යැවීමක යෙදුනේය. ඔහු ලකුණු 79කට කඩුළු 04ක් බිඳ හෙළුවේය.
ජයග්රහණය සඳහා ලකුණු 333ක ඉලක්කයක් හඹා ගිය ඕමාන කණ්ඩායම වෙනුවෙන් ආරම්භක පිතිකරු කාශ්යප් ප්රජාපතී විශිෂ්ට පිතිකරණයක නිරත වූයේය ඔහු හතරේ පහර 12ක් සහ එක් හයේ පහරක් සමග පන්දු 97ක දි ලකුණු 103ක් ලැබුවේය
ඕමාන කණ්ඩායමේ අවසන් මොහොත වනතුරු පැවතියේ සටන් කාමී ක්රීඩා විලාශයකි. සිම්බාබ්වේ කණ්ඩායමේ මෙතෙක් නුදුටු පන්දු රැකීමේ පරිනතිය කැපී පෙනුනේය. එය ලෝකයේ ඕනෑම කණ්ඩායමක පන්දු රැකීමට සම මට්ටමක තිබිණි. තරගය වෙනස් කළ විශිෂ්ඨ උඩපන්දු දෙකක් රැකගනු පෙනුනි.
ඕමාන කණ්ඩායම ඕවර 50 අවසානයේ දි කඩුළු 09ක් දැවී ලකුණු 318ක් රැස් කළහ. ටෙන්ඩයි චතාරා, කඩුළු 03ක්, බ්ලෙසින් මුසාාරාබානි කඩුළු 03ක් බිඳ හෙළූහ.
තරගයේ වීරයා ශෝන් විලියම්ස් ය. සිම්බාබ්වේ කණ්ඩායම තවමත් අපරාජිතව තරගාවලියේ ඉදිරියෙන්ම සිටී.
