ඉන්දීය ක්රිකට් කණ්ඩායමේ ශ්රී ලංකා සංචාරය සඳහා නම් කළ ක්රීඩකයින් 16 දෙනෙකුගෙන් යුත් ශ්රී ලංකා සංචිතයට ක්රීඩා ඇමති හරීන් ප්රනාන්දුගේ අනුමැතිය ලැබී තිබේ.
විශේෂත්වය වන්නේ මෙවර එල්.පී.එල්. තරගාවලියේ දී විශිෂ්ඨ දක්ෂතා ප්රකට කළ යොවුන් ක්රීඩක චමිඳු වික්රමසිංහ ශ්රී ලංකා සංචිතයට කැඳවා තිබීමය.
එමෙන්ම ලෝක කුසලාන සංචියෙන් ඉවත් කර සිටි කුසල් ජනිත් පෙරේරා, දිනේෂ් චන්දිමාල් අවිශ්ක ප්රනාන්දු යළි සහ බිනුර ප්රනාන්දු සංචිතය වෙත කැඳවා තිබීමය.
ලෝක කුසලාන තරගාවලිය සඳහා පත් කළ නායක වනිඳු හසරංග මුලුමනින්ම අසාර්ථක වීමත් සමග ඇති වූ දැඩි අප්රසාදය සහ විරෝධය හේතුවෙන් ඔහු නායකත්වයෙන් ඉල්ලා අස් වූ අතර නව නායකයා ලෙස මෙවර එල්පීඑල් ශූරතාවය දිනූ ජැෆ්නා කිංග්ස් කණ්ඩායමේ නායකයා මෙන්ම ශ්රී ලංකා කණ්ඩායමේ හිටපු උප නායක චරිත් අසලංක පත් කර ඇත.
එමෙන්ම විස්සයි 20 ලෝක කුසලාන සංචිතයේ සිටි සධීර සමරවික්රම, ධනංජය ද සිල්වා, ඈන්ජලෝ මැතිව්ස්, ඩිල්ෂාන් මධුශන්ක, මෙවර සංචිතයෙන් ඉවත් වී තිබේ. එල්.පී.එල් තරගාවලියේ අවසන් තරග දෙකේ දැක්වූ දස්කම් නොවන්නට කුසල් මෙන්ඩිස්ටත් මේ ඉරණම අත්වීමට නියමිතව තිබිණි.
චරිත් අසලංක (නායක)
පැතුම් නිස්සංක
කුසල් මෙන්ඩිස්
කුසල් ජනිත් පෙරේරා
කමිඳු මෙන්ඩිස්
දසුන් ශානක
වනිඳු හසරංග
මහීෂ් තීක්ෂණ
මතීෂ පතිරණ
නුවන් තුෂාර
දුනිත් වෙල්ලාලගේ
දුෂ්මන්ත චමීර
බිනුර ප්රනාන්දු
දිනේෂ් චන්දිමාල්
අවිශ්ක ප්රනාන්දු
චමිඳු වික්රමසිංහ
තරග තුන බැගින් සමන්විත එක්දින සහ විස්සයි විස්ස ක්රිකට් තරගාවලි දෙකක් සඳහා සහභාගී වීමට ඉන්දීය ජාතික ක්රිකට් කණ්ඩායම ඊයේ දිනයිනට පැමිණියේය.
මුලින්ම විස්සයි විස්ස ක්රිකට් තරග 03කින් සමන්විත ක්රිකට් තරගාවලිය එළැඹෙන 27, 28 සහ 30 යන දිනවලදී රාත්රී 07ට මහනුවර පල්ලෙකැලේ ජාත්යන්තර ක්රිකට් ක්රීඩාංගණයේදී ආරම්භ වීමට නියමිතය.
ඉන්පසුව කොළඹ ආර්.ප්රේමදාස ජාත්යන්තර ක්රිකට් ක්රීඩාංගණයේදී අගෝස්තු 2, 4 සහ 7 යන දින තුන තුළ පස්වරු 02.30ට එක්දින සීමිත ඕවර් 50 ක්රිකට් තරගාවලිය ආරම්භ වීමට නියමිතය.
