බංගලාදේශය සහ ශ්රී ලංකාව අතර විස්සයි 20 තරගාවලිය අද පස්වරු 7ට පල්ලේකැලේ ජාත්යාන්තර ක්රීඩාගංනයේ දී ආරම්භ වීමට නියමිතව තිබේ. තරග තුනකින් යුත් එක්දින තරගාවලිය ආරම්භ වන්නේ විස්සයි 20 ආකෘතියේ ලෝකයේ දුර්වල කණ්ඩායම් දෙකක් අතර ය.
විස්සයි20 ආකෘතියේ ලෝක ශ්රේණිගතකිරීම්වල අප ඉන්නේ 07වන තැනය. බංගලාදේශය 10 වැනි තැනය. මේ කණ්ඩායම් දෙකේම ඉලක්කය ලබන වසරේ ලංකාවේ ද කොටසක් පැවැත්වෙන විස්සයි 20 ලෝක ශූරතාවයට අවශ්ය ගුණාත්මක කණ්ඩායම අත්හදා බැලීමය. බගංලාදේශයට නම් මේ තරගාවලිය තවත් අතකින් වැදගත් වනු ඇත. ඒ ඔවුන්ගේ නවක ක්රීඩකයින්ට ශ්රී ලංකාවේ තණතීරු අධ්යයනය කරමින් ඒ සඳහා හුරු වීමට ඉඩ ප්රස්ථා සැලසීමය.
ශ්රී ලංකා කණ්ඩායමට ක්රිකට් ලෝලීන් තුළ බලාපොරොත්තු ඇති කරන ආකාරයේ වෙනස්කම් දෙකක් සිදුකර තිබේ. ඒ වසරකින් ශ්රී ලංකා සංචිතයකට නම් නොකළ දසුන් ශානක සහ වසර දෙකකින් ශ්රී ලංකා සංචිතයකට නම් නොකළ චාමික කරුණාරත්න යළි කැඳවා තිබීමය. එමෙන්ම වනිඳු හසරංග ආබාධයක් හේතුවෙන් තරගාවලියෙන් ඉවත් කර තිබීම ද ශ්රි ලංකාව පැත්තෙන් දැනෙන සුළුය. දිනේෂ් චන්දිමාල් ද සංචිතයේ ඇත. බොහෝ විට චන්දිමාල්ගේ අවසන් විස්සයි20 ලෝක කුසලානය සඳහාවන සූදානම මෙයය.
කෙසේ වෙතත් තවමත් ශ්රී ලංකා විස්සයි 20 කණ්ඩායම නිශ්චිතව නැත. තවමත් ස්ථාන කීපයක අඩුපාඩු සකස් කරගෙන කණ්ඩායමේ ජයග්රාහී සංයුතිය තෝරා ගැනීමට ශ්රී ලංකා කණ්ඩායම පරීක්ෂණයකය.
2010 දශකයේ මුල් භාගයේ ශ්රී ලංකා කණ්ඩායමේ විශිෂ්ට විස්සයි 20 කණ්ඩායම දුර්වල වූ දා සිට ශ්රී ලංකාව යළි නැගිටීමට තියුණු උත්සාහයක නිරත වී ඇත. කුසල් මෙන්ඩිස් සහ චරිත් අසලංක යන දෙදෙනාම ඔවුන්ගේ හැඩයේ සිටිති. නමුත් කණ්ඩායමක් ලෙස, ශ්රී ලංකා කණ්ඩායම තවමත් ස්ථාවර විස්සයි 20 දක්ෂතා එකට එකතු වී නොමැත. ශ්රී ලංකා කණ්ඩායම සිය අවසන් විස්සයි 20 තරඟ 13 න් අටක් පරාජයට පත්ව ඇත. පසුගිය වසරේ විස්සයි 20 ලෝක කුසලානයේදී, බංග්ලාදේශයෙන් ලද පරාජය ශ්රී ලංකා කණ්ඩායම තරඟාවලියෙන් විසි කර දැම්මේය.
කෙසේ වෙතත්, මෙම තරගාවලියට ශ්රී ලංකා කණ්ඩායම එළඹෙන්නේ දැඩි ආත්ම විශ්වාසයක් සහිත ජවයකිනි. තණ තීරු අපේය. ප්රේක්ෂකයින් අපේය. හුරු පුරුදු භූමිය ය. විස්සයි 20 තරගාවලියට ශ්රි ලංකා කණ්ඩායම පිවිසෙන්නේ ජයග්රාහී එක්දින තරඟාවලිය නිමා වී එක් දිනකට පසුය. එම තත්ත්වය ශ්රී ලංකාව පැත්තෙන් විශේෂය.
මේ දක්වා ශ්රී ලංකාවේ සංචාරයේ යෙදී සිටින බංග්ලාදේශ කණ්ඩායම ටෙස්ට් තරග 2ක් සහ එක් දින තරග තුනක් සහිත තරග 05කට මුහුණ දී තිබේ. එක් තරගයක් ජයපරාජයෙන් තොරය. එක් තරගයක ජයග්රහණය සහිතවය.
එක්දින ටෙස්ට් තරග ආකෘතිවල යම් සාධනීය ලක්ෂණ සහිතව තරග වැදුන ද බංගලාදේශයට ඇති ගැටලුව ඔවුන්ගේ නරකම ආකෘතිය විස්සයි 20 තරග ආකෘතිය වීමය.
ඔවුන් ඔවුන්ගේ අවසන් විස්සයි 20 තරග 15න් 11ක් පරාජය වී ඇත. ශ්රී ලංකා කණ්ඩායම මෑත ඉතිහාසයේදී විස්සයි20 තරඟ ආකෘතියේ කැපී පෙනෙන දක්ෂයන් නොවේ. 2020 වර්ෂයේ සිට මේ දක්වා බංගලාදේශය හා ශ්රී ලංකාව අතර පැවති විස්සයි 20 තරග 06න් 4ක් ඔවුන් පරාජය වී ඇත.
මේ තරගාවලිය බංගලාදේශ කණ්ඩායම පුනරුත්ථාපනය වීමට අවශ්ය පර්යේෂණ අත්දැකීමක් ලෙස භාවිතා කිරීමට අවස්ථාව සැලසී තිබේ.
