ශ්රී ලංකාවේ හා ඉන්දියාවේ ජාතික විදුලි පද්ධති ඒකාබද්ධ කිරීමට සැලසුමක් තිබෙන බවත් ඊට අදාළ මූලික අවබෝධතා ගිවිසුමක් අත්සන් කිරීමට සූදානම් බවත් නවදිල්ලියේ ශ්රී ලංකා මහකොමසාරිස් මිලින්ද මොරගොඩ රොයිටර් පුවත් සේවයට පවසා තිබේ.
ඒ අනුව ශ්රී ලංකාවේ උතුරු පළාතේ නිපදවන විදුලිය රැහැන් මඟින් දකුණු ඉන්දියාව වෙත සම්ප්රේෂණය කිරීමට සූදානම් වන්නේ යැයි ද මහකොමසාරිස්වරයා පවසා ඇත.
ඔහුට අනුව ඉන්දියානු ආයෝජන මත උතුරු පළාතේ සිදු කෙරෙන පුනර්ජනනීය විදුලි බල ව්යාපෘති මඟින් විදුලිය නිපදවීම සඳහා සූදානමක් පවතින බවත් අවබෝධතා ගිවිසුමෙන් පසු මූලික ශක්යතා කටයුතු ආරම්භ කිරීමට බලාපොරොත්තු වන බවත් ඔහු තවදුරටත් සඳහන් කර තිබේ.
දැඩි ආර්ථික අර්බුදයකට ලක්ව තිබෙන ශ්රී ලංකාවට මේ වන විට ඇමරිකානු ඩොලර් මිලියන 4කට ආසන්න ණය හා මූල්ය ආධාර ඉන්දියාව විසින් ලබා දී ඇති අතර ඉදිරියේදී සංචාරක ක්ෂේත්රයේ සංවර්ධනය ඇතුළු විදේශ ආයෝජන බලාපොරොත්තු වන බව ද මහකොමසාරිස්වරයා තවදුරටත් සඳහන් කර ඇත
