ශම්මි සිල්වා ඇතුළු වත්මන් ක්රිකට් පාලක මණ්ඩලයට ඉතිහාසයේ පෙර කිසි කළෙකත් ඇති නොවූ ජනතා විරෝධයක් නිර්මාණය වෙමින් ඇති පසුබිමක ලබන සතිය තුළ ශ්රී ලංකා ක්රිකට් පරිපාලනයේ බරපතල වෙනසක් සිදුවීමට නියමිතව ඇතැයි අභ්යන්තර ආරංචි මාර්ග හෙළි කරයි.
එමෙන් පාලක මණ්ඩලයට වහාම ඉවත්වන ලෙස පොදු ජනතාව පාර්ශවයෙන් කෙරෙන බලකිරීම ද තීරණාත්මක ලෙස වැඩි වී ඇති බව එම ආරංචි මාර්ග පෙන්වා දෙයි.
විශේෂයෙන්ම වත්මන් ක්රිකට් පාලක මණ්ඩලය පත් කරගනු ලැබූ දිස්ත්රික් ක්රිකට් සංගම්වල බලධාරීන්ට ප්රාදේශීයව ක්රීඩා ලෝලීන්ගෙන් දැඩි පීඩනයක් එල්ල වෙමින් අතැයි වාර්තා වේ.
ක්රීඩාලෝලීන් මුල් වුන සිවිල් සංවිධාන විසින් සෑම දිස්ත්රික් ක්රකට් සංගමයකමටම පාහේ ලිඛිතව හා වාචිකව දන්වා ඇත්තේ ඔවුන් විසින් පත් කළ පාලක මණ්ඩලය වහාම ඉවත් කරගැනීමට අවශ්ය නිශ්චිත කටයුතු ආරම්භ කරන ලෙසය.
එසේ නොවන්නේ නම් දිස්ත්රික් සංගම්වල ප්රධානීන්ගේ නිවෙස් වටලා උද්ඝෝෂණය කිරීමට තමන් සූදානම් බවද මෙම බලධාරීන්ට සිවිල් සංවිධාන විසින් දන්වා තිබේ.
පසුගිය දා ක්රිකට් පාලක මණ්ඩලයට විවෘත සංදේශයක් යොමු කරමින් ක්රීඩා ඇමති රොෂාන් රණසිංහ දන්වා සිටියේ බහිරවයින් සේ නොසිට දැන්වත් සිය තනතුරුවලින් ඉවත් වී නොයන්නේ නම් මේ ක්රිකට් පරිපාලකයින් ඉවත් කිරීමට දැඩි ක්රියාමාර්ග ගන්නා බවය.
ලංකාවට සිද්ද වූ ක්රිකට් වැරැද්ද සිදුවූයේ ක්රීඩකයන්ගෙන් නොව ක්රිකට් පරිපාලනයේ බව ඇමතිවරයා පෙන්වා දෙයි.
ක්රිකට් පාලක මණ්ඩලයේ අත්තනෝමතික ක්රියා කලාපය සම්බන්ධව මේ වනවිට ක්රීඩා ඇමතිවරයා අන්තර්ජාතික ක්රිකට් කවුන්සිලයට මෙන්ම කවුන්සිලයේ පූර්ණ සාමාජික රටවල් වෙත වෙන වෙනම ලිඛිත දැනුම්වත් කිරීම් කර තිබේ.
මේ තත්ත්වය තුල බොහෝ විට ඉදිරි සතිය තුළ ක්රිකට් පාලක මණ්ඩලය තුළ බරපතල වෙනස්කම් රැසක් වනු ඇතැයි විශ්වාසකටයුතු අභ්යන්තර ආරංචි මාර්ග කියයි.
