වේල්ස් කුමරිය කේට් මිඩ්ල්ටන් තමන් පිළිකාවකින් පෙළෙන බව ඊයේ (22) නිවේදනය කළාය. ඇය පැවසුවේ පිළිකා රෝග විනිශ්චය කිරීමෙන් පසු ඇය ප්රතිකාරයේ මුල් අවධියේ පසුවන බවය.
වීඩියෝ ප්රකාශයක් මගින් කේට් පවසන්නේ “ඇදහිය නොහැකි තරම් දුෂ්කර මාස දෙකක් ගත කළ බවත් එය විශාල කම්පනයක් වූ බවත්ය.
“මම හොඳින් සිටින අතර සෑම දිනකම ශක්තිමත් වෙමින් සිටිමි.” කේට් කීවාය.
පිළිකාව පිළිබඳ තොරතුරු අනාවරණය වී නොමැති නමුත් කුමරිය සම්පූර්ණ සුවය ලබනු ඇතැයි විශ්වාස කරන බව කෙන්සිංටන් මාලිගය පවසා තිබිණි.
කේට් පසුගිය ජනවාරියේ දී උදර සැත්කරමකට ලක් වූවාය. වීඩියෝ ප්රකාශය පැහැදිලි කරන්නේ ඇය ජනවාරි මාසයේදී උදර සැත්කමක් කළ විට පිළිකාවක් ඇති බව නොදැන සිටි බවය.
“කෙසේ වෙතත් ශල්යකර්මයෙන් පසුව කරන ලද පරීක්ෂණවලින් පිළිකාවක් ඇති බව සොයාගෙන තිබෙනවා. ඒ නිසා මගේ වෛද්ය කණ්ඩායම මට උපදෙස් දුන්නේ පිළිකාව වැළැක්වීමේ රසායනික චිකිත්සක ප්රතිකාර මාලාවකට ලක් කළ යුතු බවයි. මා දැන් එම ප්රතිකාරයේ මුල් අදියරේ පසුවනවා” කුමරිය පැවසුවාය.
රසායනික චිකිත්සක ප්රතිකාරය පෙබරවාරි මස අගදී ආරම්භ වී ඇත. මාලිගාව පවසන්නේ පිළිකා වර්ගය ඇතුළු තවත් පුද්ගලික වෛද්ය තොරතුරු බෙදා නොගන්නා බවය.
42 හැවිරිදි කුමරිය පිළිකාවෙන් පීඩාවට පත් වූ සියල්ලන් ගැන සිතන බව පැවසුවාය. ඇය කීවේ මෙසේය.
“මෙම රෝගයට මුහුණ දෙන සෑම කෙනෙකුටම මා කියන්නේ… කරුණාකර විශ්වාසය හෝ බලාපොරොත්තුව නැති කර නොගන්න. ඔබ තනිවෙලා නෑ.”
කැතරින් පැවසුවේ හෙළි නොවුන තත්ත්වයක් නිසා ජනවාරි මාසයේදී ඇයගේ සැත්කමෙන් සුවය ලැබීමට කාලය ගත වූ බවය.
“විලියම් සහ මම අපගේ පවුල වෙනුවෙන් මේ තත්ත්වය කළමනාකරණය කිරීමට අපට හැකි සෑම දෙයක්ම කරමින් ඉන්නවා. ජෝර්ජ්, චාලට් සහ ලුවීට සෑම දෙයක්ම ඔවුන්ට සුදුසු ආකාරයෙන් පැහැදිලි කිරීමටත්, මම හොඳින් සිටින බව ඔවුන්ට සහතික කිරීමටත් අපට කාලය ගත වුනා..”
පවුලට දැන් “යම් කාලයක්, ඉඩක් සහ පෞද්ගලිකත්වයක්” අවශ්ය බව ඇය පැවසුවාය.
සිකුරාදා මෙම රෝගී තත්ත්වය පිළිබඳ නිවේදනය කිරීමට පෙර කුමරියගේ සෞඛ්යය පිළිබඳ පුවත රජුට සහ රැජිනට දන්වා තිබුණි – චාල්ස් රජු ද පුරස්ථිති ග්රන්ථියේ පිළිකාවකට ප්රතිකාර ගනිමින් සිටී. චාල්ස් රජු සහ කැතරින් එකවරම ලන්ඩන් ක්ලිනික් පෞද්ගලික රෝහලේදී කෙටියෙන් ප්රතිකාර ලැබූහ.
බකිංහැම් මාලිගයේ ප්රකාශකයෙකු පැවසුවේ “කැතරින් ඇය කළ පරිදි කතා කිරීමට ඇති ධෛර්යය ගැන රජු ගැන ආඩම්බර වන” බවයි.
හැරී කුමරු සහ මේගන් පණිවිඩයක් යවා මෙසේ ප්රකාශ කර තිබිණි. “අපි කේට් සහ පවුලේ අයට සෞඛ්යය සහ සුවය ප්රාර්ථනා කරමු, ඔවුන්ට පෞද්ගලිකව සහ සාමකාමීව එය කළ හැකි යැයි බලාපොරොත්තු වෙමු.” – බීබීසි
ඇය කළ වීඩියෝ ප්රකාශය පහත දැක්වේ.
