සූරියවැව නුවන් ජයසේකර –
ඊයේ රට තිගස්වන කතාවක් හෙළිදරවු වුනේය. ඒ වෙහෙරගල ජලශයේ සොරොව්ව අසලින් මතුවුන අවි ගබඩාවය.
ජලාශයේ සොරොව්ව අසල තිබී LMG, T 56 හා T 81 ඇතුළු අවි ආයුධ තොගයක් සහිත පොහොර මළු දෙකක් ඊයේ (30) සවස කතරගම පොලිසිය සිය භාරයට ගත්තේය.
මෙලෙස පොලිස් භාරයට පත් වූ අවි තොගය අතර T 56 මැගසින් 74ක්, T 56 LMG මැගසින් 36ක් , T 81 උණ්ඩ ,පතුරම් බහාලන පෙට්ටි 02ක් ඇතුළුව හදුනාගෙන නොමැති දිරා ගිය උණ්ඩ තොගයක් ඇතුළු විවිධ ආයුධ කොටස් කිහිපයක්ද වූයේය.
කතරගම, ලුණුගම්වෙහෙර හා ගෝනගංආර යන පොලිස් වසම් වලට මායිම් වන්නට මෙම වෙහෙරගල ජලාශය පිහිටා තිබේ. ආයුධ හමුවන්නෙ කතරගම පොලිස් බළ ප්රෙද්ශයට අයත් කොටසේය.
හමුවන්නේ කෙසේද
පසුගිය දිනවල පැවතියේ දැඩි නියං සහිත කාලගුණ තත්ත්වයකි. ඒ සමග වෙහෙරගල ජලාශයේ ජල මට්ටම පහළ ගියේය. සොරොවේ පහළ මට්ටමත් පෙනුනේය. එහි ගිය පිරිසක් මුලින්ම දැක ඇත්තේ මඩ සහිත ජලයේ ඇති පොහොර මළු දෙකකි. ඒ මළුවල ඇති දේ ගැන විමසීමේ දි එම පුද්ගලයින්ට පෙනි ගියේ මේ ඇත්තේ ගිනි අවි උණ්ඩ තොගයක් බවය.
ඔවුහු වහාම මේ පිළිබදව පොලිසිය දැනුවත් තිබිණි. ඒ අනුව කතරගම පොලිස් නිළධාරීන් එම ස්ථානයට ගොස් විමර්ශන ආරම්භ කළේය. මේ වනවිට සිද්ධිය පිළිබඳව තිස්සමහාරාම මහේස්ත්රාත් අධිකරණයටද කරුණු වාර්තා කර තිබේ.
වෙහෙගල ජලාශයෙන් හමු වු මෙම අවි ආයුධ සම්බන්ධයෙන් යුධ හමුදාවේ නිළධාරීන් කණ්ඩායමක්ද එම ස්ථානයට ගොස් අද දිනයේ විමර්ශන ආරම්භ කළේය. ආයුධ කොටස් අද 01 දින බෝම්බ නිෂ්ක්රීය අංශය ඇතුළු විශේෂ නිලධාරීන් කණ්ඩායමක් යොදවා ජලාශයේ ජල මට්ටමද අඩුකර ගොඩ ගැනීම සඳහා මෙහෙයුමක් සිදු කරමින් ඇත. කතරගම පොලිසිය මේ සම්බන්ධව දැන් විමර්ශන ආරම්භ කර තිබේ.
අතීත අත්දැකීම්
මේ වැවුවලින් ආයුධ ගබඩා මතු වුන පළමු අවස්ථාව නොවේ. 2025 අගොස්තු 13 වැනි දින ගලෙන්බිඳුණුවැව ගැටලාව වැවෙන් ටී – 56 ජීව පතොරොම් 7118ක් සොයා ගත්තේය.
වැවට පැමිණි පුද්ගලයෙක් විසින් මුලින්ම මෙම ජීව උණ්ඩ දැක 118 හදිසි ඇමතුම් අංකයෙන් ඒ බව ගලෙන්බිඳුණුවැව පොලිස් ස්ථානයට දැනුම්වත් කිරීමෙන් අනතුරුව සිදුකරන ලද මෙහෙයුමක එම දිනය තුළ පමණක් ජීව පතොරොම් 5038ක් සොයාගෙන තිබිණි.
යළිත් පසුදින දින ආරම්භ කළ මෙහෙයුමේ දී තවත් පතොරොම් 1965ක් සහ ආධාරක උණ්ඩ 115ක් සොයා ගැනීමට විමර්ශකයින්ට හැකි විය. මීට අමතරව ටී -56 මැගසින් 11ක් සහ ඔයිල් කෑන් 05ක් ද මෙම මෙහෙයුමේදී පොලිසිය සොයා ගත්තේය.
මේ සොයා ගැනිමට පෙත් ගිනි අවි උණ්ඩ මතු විය. ඒ 2025 ජූලි මස 23 වැනිදාය. ඒ ජීව උණ්ඩ හමුවන්නේ ගලෙන්බිඳුණුවැව හුරුළු වැවෙනි හුරුළුවැවට දිය නෑමට පැමිණි තරුණයින් තිදෙනෙකුට තොටුපල ආසන්නයේ ජීව උණ්ඩ තුනක් හමුවීමෙන් පසු කළ විමර්ශනයකදී ටී 56 ජීව උණ්ඩ 10ක්, එල්.එම්.ජී. වර්ගයේ ජීව උණ්ඩ 18ක්, අත් බෝම්බයක ගැලවී ඇති පින් එකක්, ටී 56 පතොරොම් ගැබක පතුලක කොටසක්, පතොරොම් පෙට්ටි ගැලවීමට යොදා ගන්නා යතුරක් ද සොයා ගැනුණි.
මේ විමර්ශනවල ප්රතිඵල මොනවාදැයි රට දන්නේ නැත. එහෙත් මේ වැව්වල සඟවා ඇති ගිනි අවි උණ්ඩවල කතාව මේ රටට දැන් අනාවරණය විය යුතුය. මේ සගවා තැබීම්වල පරමාර්ථය කුමක්දැයි විමසිය යුතුය. අපරාධ රාජ්යයක සැඟවුන අබිරහස් මේ ආයුධ ගබඩා තුළ සැඟව ඇතැයි විශ්වාස කරමු.
