කළුතර දකුණ පොලිස් බලප්රදේශයට අයත් කටුකුරුන්ද කලපුව අසල පිහිටි සංචාරක හෝටලයක් ආසන්නයේ වෙරළ තීරයේ තිබී අද (05) උදෑසන හෂීෂ් මත්ද්රව්ය කිලෝ 10කට අධික පාර්සලයක් විශේෂ කාර්ය බලකයා විසින් අත් අඩංගුවට ගෙන තිබේ.
මුහුදේ පා වී විත් ගොඩ ගසා තිබුණු මෙම මත්ද්රව්ය තොගය සහිත පාර්සලය මුලින්ම දැක ඇත්තේ සංචරක මග පෙන්වන්නන් සහ හෝටල් සේවකයින් පිරිසකි. ඔවුන් ඒ බව කටුකුරුන්ද විශේෂ බලකා නිලධාරීන් දැනුම්වත් කර තිබිණි.
ඒ අනුව කටුකුරුන්ද පොලිස් විශේෂ කාර්ය බළකා පුහුණු කඳවුරේ නිලධාරීන් පැමිණ අදාළ පාර්සලය විමර්ශන කටයුතු සඳහා රැගෙන ගියේය. පාර්සලය තුළ තිබී හෑෂ් මත්ද්රව්ය පාර්සල් 08ක් සොයාගෙන තිබිණි. මෙම මත්ද්රව්ය තොගයේ වටිනාකම කෝටි 03කට අධික බව විමර්ශන අංශ කියයි.
මත්ද්රව්ය තොගය පිළිබඳව සහ මෙම මත්ද්රව්ය තොගය මුහුදු මාර්ගය ඔස්සේ රට තුළට ගෙන ඒමට උත්සාහ කළ පිරිස සම්බන්ධව විශේෂ කාර්ය බලකාය කටුකුරුන්ද පොලිසිය සමග එක්ව වැඩිදුර පරීක්ෂණ ආරම්භ කර ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
