මනම්පිටිය නිමල් ජයරත්න –
මෙවර යළ කන්නයේ වී අස්වනු නෙළීමත් සමග මෙතෙක් රජය වී මිලදී ගැනීමේ වැඩපිළිවෙළ ක්රියාත්මක නොවීම නිසා පොළොන්නරුව දිස්ත්රික්කයේ මහා පරිමාණ වී මෝල් ව්යාපාරිකයන් විසින් වී කිලෝවක මිල විශාල වශයෙන් අඩුකර ඇති බව මහවැලි බී හා සී කලාපවල ගොවි සංවිධාන නියෝජිතයින් හා ගොවීහු සඳහන් කරති .
වී කිලෝවක් අලෙවි කර ගන්නා මුදලින් වී ඇසුරුම් කරන මල්ලක්වත් මිලදී ගැනීමට නොහැකි මට්ටමට වී මිල පහත බැස ඇති බවත් මෙවැනි හූරාකෑමකට ඉඩ දී ඇස් කන් පියාගෙන ඉන්නට රටේ අණ්ඩුවට හැකි නම් එවැනි ආණ්ඩුවක් කුමකටදැයි තමන් විමසන බවත් ගොවිහු පවසති. ඔවුන් පෙන්වා දෙන්නේ මහ පොළොවේ ගැටෙමින්, අව්ව වැස්ස දරා ගනිමින්, වන අලි උවදුරු විඳිමින් කුඹුරු වගා කරන්නේ සංසාර කරුමයක් ගෙවන්නට නොව, ජීවිතය ගැටගසා ගන්නට බවය. රටට බත සපයන ගොවියාත් පාරිභෝගිකයාත් බේරාගන්නට අසමත් පාලකයින් උදා කරන්නට හදන්නේ කුමණ සංවර්ධනයක් දැයි ඔවුහු විමසා සිටිති.
මේ ප්රශ්නය විසඳා නොදී ඡන්දය ලබා ගැනීම සඳහා හතර මායිමේ පස් නොපාගන ලෙස දේශපාලකයින්ට දන්වා සිටිමින් ඊයේ මහවැලි බී කලාපයේ ගොවි සංවිධාන 21ක් මාධ්ය හමුවක් කැඳවා ප්රකාශ කිරීමෙන් අනතුරුව අද පොලොන්නරුවේ සහ මහවැලි කලාපවල ගොවීන් සඳහන් කරන්නේ ෙ තමන් මෙවර යළ කන්නයේ කීරි සම්බා වගාකළද, එම කිරි සම්බා මිලදී ගැනීමට රජය හෝ පෞද්ගලික මෝල් හිමියන් මෙතෙක් ඉදිරිපත් වී නැති බවය.
අද (30) වන විට පොළොන්නරුවේ මහා පරිමාණ වී මෝල් ව්යාපාරිකයන් නාඩු වී කිලෝවක මිල රුපියල් 104 දක්වා පහත දමා ඇති බවත්, සම්බා වී එක් ව්යාපාරිකයෙක් පමණක් රුපියල් 100ක මිලකට ලබාගන්නා බවත්, කීරි සම්භා මිලදී ගැනීමට කිසිදු ව්යාපාරිකයෙක් මෙතෙක් ඉදිරිපත් නොවීම බරපතල අවුලක් බවත් මහවැලි බී හා සී කලාපවල ගොවීහු කියති.
පොළොන්නරුවේ මහා පරිමාණ වීමෝල් හිමියන් මෙලෙස අඩුමුදලට ලබාගන්නා වී තොග තව මාස කිහිපයකින් සහල් බවට පත්කර ඒවා උපරිම මිලකට සහල් පාරිභෝගිකයන්ට අලෙවි කරන බවත්, මේ වන විට රටට බත සපයන පොළොන්නරුවේ තම ගොවීන්ට කීරි සම්බා සහල් කිලෝවක් රුපියල් 385ක වැනි මිලකට ලබා ගැනීමට සිදුව ඇති බවත් ගොවි සංවිධාන නියෝජිතවරු ප්රකාශ කරති.
වී කිලෝවක් නිෂ්පාදනය කිරීමට රුපියල් 110,120 ක් අතර මුදලක් වැයවෙන බැවින් පවතින තත්ත්වයන් සැලකිල්ලට ගනිමින් වී කිලෝවක් සඳහා රුපියල් 150 ක සහතික මිලක් නියම කරන ලෙස ද, එසේ නොවුණහොත් මෙවර තමන්ට ණයතුරස් පවා ගෙවා ගැනීමට නොහැකි තත්ත්වයක් උද්ගතවන බව ද ගොවි සංවිධාන නියෝජිතවරු සඳහන් කරති.
සෑම යල මහ කන්නයකදීම පොළොන්නරුවේ මහා පරිමාණ ව්යාපාරිකයන් තම වී අස්වනු තුට්ටු දෙකට මිලදී ගන්නා ක්රමවේදය නතර කර අතරමැදියන්ට යන ලාභය අවම කරමින් ගොවියාට වැඩිලාභයක් ලැබෙන වැඩපිළිවෙලක් ක්රියාත්මක කරන ලෙස තමන් ජනාධිපතිවරයාගෙන් සහ කෘෂිකර්ම අමාත්යවරයාගෙන්, ඉල්ලා සිටින බව පොළොන්නරුව ඇතුළු මහවැලි බි හා සී කලාපවල ගොවීහු පවසති.
