පසුගිය 13 වැනිදා රාත්රී කාලයේ දී පට්ටිය හන්දිය කැලණිය දුම්රිය ස්ථානය අසල දුම්රිය හරස් මාර්ගයේ ගමන් කළ වාහනයකින් විසිවන ඇසුරුම් පෙට්ටි සහිත ස්මාට් ජංගම දුරකථන 13ක් අවට ජනතාව විසින් අහුලාගෙන පෑලියගොඩ ජංගම පොලිස් රථකයට භාර දුන් පසු එම දුරකථන තොගය වංචාකළ පෑලියගොඩ පොලිසියේ උප පොලිස් පරීක්ෂකයෙකුගේ වැඩ තහනම් කර තිබේ.
උපපොලිස් පරීක්ෂවරයාගේ වැඩ තහනම් වන්නේ සීසීටීවී. දර්ශනත් සමග කටඋත්තර නැති වන ලෙස තමන් කළ නින්දා සහගත සොරකම හෙළිදරව් වීමෙන් පසුය.
වාර්තාවන පරිදි සිද්ධිය මෙසේය.
පසුගිය 13 වැනිදා රාත්රියේ කැලණිය දුම්රිය ස්ථානය අසල හරස් පාරෙන් වේගයෙන් ගමන් කළ කාර් රථයකින් පෙට්ටියක් විසිවී පාරේ විසිරී ගියේය.
එම විසිරි ගොස් තිබුණේ ඇසුරම් කළ නවීන ජංගම දුරකථන තොගයකි. අයෙක් එම දුරකථන අහුලාගෙන ගිය ද එතනින් ගමන් කරමින් සිටි කාන්තාවක්, තරුණ පිරිසක් සහ ත්රී රෝද රථ රියදුරෙක් මෙම දුරකථන 13ක් හිස් පෙට්ට් 04ක් සහිත විසුරී ගොස් අහුලා ගත් ප්රමාණය පිළිබඳ පොලිස් මුර සංචාරයේ යෙදුන පෑලියගොඩ පොලිසියේ කැබ් රථයක් කැඳවා භාර දෙන්නේය.
කැබ් රථයේ පොලිස් කොස්තාපල් රියදුරු ද තවත් පොලිස් නිලධාරියෙක් සහ උප පොලිස් පරීක්ෂකවරයෙක් සිටියේය. එම උප පොලිස් පරීක්ෂකවරයා ජංගම දුරකථන තොගය එය අහුලා ගත් පුද්ගලයින්ගෙන් භාර ගනු ලැබුවේය.
සිද්ධිය එතැනින් හමාර විය. එහෙත් මේ මත්ද්රව්ය සම්බන්ධ සිද්ධියකට අදාලව කෙරෙන් සීසීටීවී දර්ශන පරීක්ෂාවේ දී පොලිස් විමර්ශන අංශවලට මේ දර්ශනය නිරාවරණය වූයේය.
ඔවුන් ඒ සම්බන්ධව පරීක්ෂා කළ විට අදාල උප පොලිස් පරීක්ෂකවරයා තමන්ට භාර දුන් ජංගම දුරකථන පොලිසිය වෙත ඉදිරිපත් නොකර අනෙක් පොලිස් නිලධාරීන් දෙදෙනා සමග බෙදා ගත් බව හෙළි වූයේය.
වැඩිදුර විමර්ශන කරනවිට හෙළි වී තිබුණේ මෙම පොලිස් කැබ්රථය පැදවූ පොලිස් රියදුරා මෑතක දී හොරෙන් කෙසෙල්කැන් කපා අසුවූ අයෙක් බවය.
සිද්ධිය සම්බන්ධව පෑලියගොඩ පොලිසිය වැඩිදුර පරීක්ෂණ පවත්වන්නේය.
