පක්ෂ තීන්දුවට එරෙහි වී ඉවත් වී යන ඔළු ගෙඩි ගණන වැදගත් නොවන බවත්, වැදගත් වන්නේ පොහොට්ටුවේ මතය නියෝජනය කරන ජනතාවගේ අභිලාෂය බවත් පොදුජන පෙරමුණේ මාධ්ය ප්රකාශක සංජීව එදිරිමාන්න පැවසුවේය.
මාධ්යය වෙත අදහස් දක්වමින් ඔහු පැවසුවේ මෙවැන්නකි.
“මහජන මතය පාර්ලිමේන්තුව තුළ නියෝජිත ප්රජාතන්ත්රවාදය හරහා නියෝජනය වන්නේ පාර්ලිමේන්තුවේ ඉන්න අපි 225 දෙනා හරහා තමයි. “
“හැබැයි යම් කිසි මහජන නියෝජිතයෙක් දේශපාලන තීන්දුවක් ගත්තම ඒ දේශපාලන තීන්දුව සමග යම් පිරිසක් එළියට එනවා. ඒක ඉලක්කමක් විදිහට කීය ද කියන එක වැදගත් නෑ…”
“දැන් උදාහරණයකට මෙහෙම කියන්නම්. මම කළුතර දිස්ත්රික්කයේ පොහොට්ටුවට ඡන්දය දීපු මිනිස්සුන්ගෙන් එක් ලක්ෂ පන් දහස් නවසිය හැත්තෑ තුනක් අරන් පාර්ලිමේන්තුවට ආපු මිනිහෙක්.”
“මම හෙට උදේ වෙන පැත්තකට ගියයි කියලා මට ඡන්දය දුන්න එක් ලක්ෂ පනස් දහස් නවසිය හැත්තෑ පහෙන් කී දෙනෙක් එනවද කියන එකයි වැදගත්.”
“ඉතාම ආසන්න සාධාණ තර්කයක් ගේන්නම්. 2018 දි අපි පළාත් පාලන මැතිවරණයට යනකොට ඒ මොහොතේ පාර්ලිමේන්තු නියෝජනයෙන් බහුතරය හිටියේ මෛත්රීපාල සිරිසේන ජනාධිපති තුමා එක්ක. “
“එදා පොහොට්ටුව තනියම යන්න තීන්දුව ගත්ත වෙලාවෙ සියලුම පාර්ශව ගෙනාවෙ අද මේ එන තර්කයමයි. එදත් කිව්වා මේ තීන්දුවෙන් වෙන්නේ පොහොට්ටුව දිනන එක නෙමෙයි, වෙන කෙනෙක් දිනන එක කියලා.”
“හැබැයි අවසාන තීන්දුවෙදි පොහොට්ටුවට මිනිස්සු ලක්ෂ 50ක් ඡන්දය දුන්නා. පාර්ලිමේන්තු කණ්ඩායමේ අති බහුතරය හිටපු මෛත්රීපාල සිරිසේන මහත්මයාගේ කණ්ඩායමට ගියේ ලක්ෂ 15යි. “
“ඊයේ දවසේ අපි රැස් වුනේම අපේක්ෂකයා කවුද කියන එක තීරණය කරන්න නෙමෙයි. අපි තරග කරනවා ද වෙන පාර්ශවයකට සහාය දෙනවද කියන කාරණය පැහැදලි කරගන්න. “
“ඒ තීරණය අපි ගත්තා. අපේක්ෂකත්වය රටට හඳුන්වා දෙන එක්තරා ආකාරයක ප්රචාරාත්මක අවස්ථාවක්. ඒ අවස්ථාව අපි ඉදිරි දින කීපය ඇතුළෙ සැලසුම් කරනවා.”
“ඊයේ රෑත් අපි කතා කළා. කිසිම කාරණාවක් නෙමෙයි, මේ ඉවෙන්ට් එක ප්ලෑන් කරගන්න විතරයි අපට මේ කාලය උවමනා වෙන්නෙ. “
