කොවිඩ් වෛරසය අසාදිතව මිය ගිය මාස හතරක් වයසැති බිළිඳියගේ පශ්චාත් මරණ පරීක්ෂණය පේරාදෙණිය විශ්ව විද්යාලයේ වෛද්ය පීඨයේ අධිකරණ වෛද්ය විශේෂඥ මහචාර්ය සරත්චන්ද්ර කොඩිකාර විසින් සිදු කිරිමෙන් පසු වැඩිදුර පරීක්ෂණ සඳහා ශරීර කොටස් රජයේ වෛද්ය පර්යේෂණායතනය වෙත යොමුකර තිබේ.
උණ සහ හුස්ම ගැනීමේ අපහසුතා හේතුවෙන් බිළිඳිය පසුගිය 13 දින රෝහලට ඇතුළත් කිරීමෙන් පසු එදිනම පස්වරුවේ මියගොස් ඇත.
මාස හතරේදී ලබාදෙන ත්රිත්ව එන්නත විදීමෙන් පසු දරුවාට උණ සහ හුස්ම ගැනීමේ අපහසුතා ඇතිවූ බව මව විසින් ප්රකාශ කිරීම නිසා කොවිඩ් ආසාදිත මළ සිරුර ආදහනය කිරීමට පෙර පශ්චාත් මරණ පරීක්ෂණයක් සිදුකළ යුතු බවට තීරණය කර පේරාදෙණිය ශික්ෂණ රෝහලේ හදිසි මරණ පරීක්ෂක අමල් ජයවර්ධන විසින් සිරුර පේරාදෙණිය විශ්ව විද්යාලයේ වෛද්ය පීඨයේ අධිකරණ වෛද්ය විශේෂඥ මහචාර්ය සරත්චන්ද්ර කොඩිකාර වෙත ඊයේ (17) යොමු කරනු ලැබීය.
කොවිඩ් ආසාදනය වී මරණයට පත්වන පුද්ගලයින්ගේ මළ සිරුරු පශ්චාත් මරණ පරීක්ෂණයක් නොපවත්වා භූමදානය කරන ලෙස චක්ර ලේඛණයක් මගින් දැනුම් දී තිබෙන බවත් මෙම දරුවා එන්නත් කිරීමත් සමඟ ඇතිවූ උණ හා හුස්ම ගැනීමේ අපහසුතා නිසා මරණයට පත්වූ බැවින් පශ්චාත් මරණ පරීක්ෂණයක් සිදු කිරීමට සෞඛ්ය අධ්යක්ෂ ජනරාල්වරයාගේද අනුමැතිය ලැබී තිබෙන බවත් මරණ පරීක්ෂකවරයා කීය.
ශරීර කොටස් රජයේ වෛද්ය පර්යේෂණ ආයතනයට යොමු කරමින් පශ්චාත් මරණ පරීක්ෂණ වාර්තාව ලබාදී තිබෙන බවත් එහි දරුවාට කොවිඩ් ආසාදනය වී තිබෙන බව තහවුරු කර තිබෙන බවත් මරණ පරීක්ෂකවරයා පැවසුවේය.
මළි සිරුර ආදාහනයට අවසර ලබාදුන් අතර මරණයට හේතුව කුමක්ද යන අවසන් තීන්දුව අදාළ වාර්තා ලැබුණු පසු ලබාදෙන බවත් ඒ මහතා ප්රකාශ කළේය.
