වැලිගම ප්රාදේශීය සභාවේ සභාපති ලසන්ත වික්රමසේකර ඝාතනය සම්බන්ධව විමර්ශන ඉතාම සාර්ථකව සිදුවෙමින් ඇති අතර සිද්ධියට අදාල තොරතුරු මේ වනවිට සීඝ්රයෙන් වාර්තා වෙමින් ඇති බවත්, තව දින කීපයක් ඇතුළත මේ ඝාතනයට සම්බන්ධ සියලුම කණ්ඩායම් අත් අඩංගුවට ගන්නා බවත් මහජන ආරක්ෂක අමාත්ය ආනන්ද විජේපාල අද පාර්ලිමේන්තුවට කිවේය.
ඔහු පැවසුවේ මේ සිද්ධිය සැලවුන වහාම තමන් ඒ සම්බන්ධව විධිමත් විමර්ශනයක් ආරම්භ කරන ලෙසට පොලිස්පතිවරයාට සහ අපරාධ පරීක්ෂණ දෙපාර්තමේන්තුව භාර නියෝජ්ය පොලිස්පතිවරයාට දැනුම් දුන් බවය.
තමන් කිසිම ජීවිතයක් අවතක්සේරු නොකල බව කී ඇමතිවරයා මේ වනවිට විමර්ශන සිදුවෙමින් ඇති ආකාරය අනුව ඇතැම් පුද්ගලයින් කලබල වී ඝෝෂා කරන ආකාරය නම් පෙනෙන බව කීවේය.
ඇමතිවරයා මෙසේ පැවසුවේය.
“අප කිසිදු ජිවිතයක් අවතක්සේරු කරන්නේ නෑ. අපි සැම ජීවිතයක්ම සම වටිනාකමක් සහිතව අගය කරන ව්යාපාරයක්. මම මේ කතාව ඊයෙත් කිව්වා. ඒ සම්බන්ධව විධිමත් විමර්ශනයක් කරනවා කියලා කිව්වා. මේ සිද්ධිය අනාවරණය වු මොහොතේම ඍජු නියෝගයක් දුන්නා පොලිස්පතිවරයාටත්, අපරාධ පරීක්ෂණ දෙපාරත්මේන්තුව බාර නියෝජ්ය පොලිස්පති අසංග කරවිටටත් වහාම මේ ගැන නීතිය ක්රියාත්මක කරන්න කියලා. පොලිස් කණ්ඩායම් 04ක් යෙදෙව්වා.
මේ වනවිට සාර්ථක තොරතුරු ලැබිලා තියනවා. අපට දින දෙකක් තුනක් අතුළත මේ සම්බන්ධ සියලුම කණ්ඩායම් අත් අඩංගුවට ගන්නවා.
අප කණගාටු වෙනවා මේ ඝාතනය ගැන. කිසිදු ජීවිතයක් අවතක්සේරු කරන්නේ නෑ. හැම ජීවිතයක්ම සුරක්සා කරන්න අපි බැඳී ඉන්නවා. සමහරු බියට පත් වෙලා තියනවා. සමහරු කලබල වෙලා තියනවා. බියට පත් වෙලා කලබලවෙලා දඟලන ඒවට අපි කිසිදු අදාලත්වයක් නෑ. අප රටේ ජනතාවට ලබා දුන් වගකීම ඉටු කරනවා.
