විමර්ශන කටයුතු සඳහා පුද්ගලයෙක් පොලිස් ස්ථානවලට කැඳවීමේ දී අනුගමනය කළ යුතු ක්රියාමාර්ග සම්බන්ධව දැනුම්වත් කරමින් වැඩ බලන පොලිස්පති ප්රියන්ත වීරසූරිය විසින් චක්රලේඛයක් නිකුත් කර තිබේ.
වැඩබලන පොලිස්පතිවරයා විසින් පොලිස් ස්ථාන වෙත නිකුත් කර ඇති එම චක්රලේඛය පිළිබදව නීතිපතිවරයා අද (04) ශ්රේෂ්ඨාධිකරණයට දැනුම් දුන්නේය.
යම් වරදක් සිදුකිරීම පිළිබඳ මුල් තොරතුරෙන් අනාවරණය වී ඇති විට විමර්ශන අවශ්යතාවය මත සැකකරුවන් පොලිසිය වෙත කැඳවීමේ දී අනුගමනය කළ යුතු කරුණු 05ක් අවධාරණය කරමින් එම චක්රලේඛය නිකුත් කර ඇත.
චූදිත සැකකරුවෙක් ප්රකාශයක් සටහන් කරගැනීම සඳහා පොලිස් ස්ථානයට කැඳවීමේ දී ඔහුට එරෙහිව ඉදිරිපත් කර ඇති චෝදනා සම්බන්ධව ප්රමාණවත් පැහැදිලි කිරීමක් ලබා දීම, යම් තැනැත්තෙක් සාක්ෂිකරුවෙක් ලෙස පොලිස් ස්ථානයට කැඳවීමේ දී එම තැනැත්තාගෙන් ප්රකාශය ලබා ගැනීමට ඇති අවශ්යතාවය පිළිබඳ ප්රමාණවත් දැනුම්වත් කිරීමක් එම තැනැත්තාට ලබා දීම, කුමණ හෝ හේතුවක් මත යම් තැනැත්තෙක් පොලිස් ස්ථානයට කැඳවන්නේ නම් ඔහු කැඳවීමට ඇති අවශ්යතාවය පිළිබඳ ප්රමාණවත් දැනුම්වත් කිරීමක් සිදුකිරීම, ඇතුළු නිර්දේශ සහිත එම චක්රලේඛය පහත දැක්වේ.
