වැව පූජනීය බවත් ඒ සම්බන්ධව කිසිම තර්කයක් නැති බව කියන රාජ්ය ඇමති රොෂාන් රණසිංහ පරාක්රම සමුද්රයේ ඇවිදින මං තීරුව වැවේ පූජනීය බව නැති කරන බව පවසන හිටපු ජනාධිපති මෛත්රීපාල සිරිසේනට ප්රායෝගික වන ලෙසත් වැව පූජනීය බැවින් වැව ඉහත්තාවේ තිබෙන සහෝදරයාගේ ගල් කොරියත්, වැව් තාවුල්ලේ ඇති පුත්රයාගේ නිවසත්, වැව් තාවුල්ලටත් ඇතුළට ගොස් වැට ගසාගෙන තිබෙන ඩඩ්ලි සිරිසේනගේ හොටලයත් ඉවත් කරගෙන කතා කරන්නට පැමිණෙන ලෙස පවසයි.
ඔහු මේ බව පැවසුවේ රූපවාහිනී හිරු ටීවී බලය වැඩසටහනට එක් වෙමිනි. තමන් මෙවැනි කතාවක් කියන්නට කිසිසේත්ම අපේක්ෂා නොකළ බව කී රාජ්ය ඇමතිවරයා සංඝරත්නය නොමග යවා, සමහර පිරිස් හසුරුවමින් හිටපු ජනාධිපතිවරයා කරන කුමන්ත්රණයට යට වී පරාක්රම සමුද්රයේ ඇවිදින මං තීරුව ගොඩනැගීම නවත්වන්නේ නැති බව අවධාරණයෙන් කියයි.
ඔහු වැඩිදුරටත් කියන කතාව මෙසේය.
“ සමුද්රයේ ඉහත්තෑවෙ තියෙන්නෙ හිටපු ජනාධිපති තුමාලගෙ ගල් කොම්පැනියක්. වැවේ ජල පෝෂක ප්රදේශයේ ඒක තියෙන්නේ. වැව පූජනීයයි. ඒ නිසාම මා පළමුව ඉල්ලා සිටිනවා හිටපු ජනාධිපති තුමාගෙන් වනජීවී කලාපයත් එක්ක අත්පත් කරගෙන ඉන්න ඔබතුමාලගේ ගල් ක්රෂර් ඉවත් කරගන්න.
“දෙවනුවත් තෙවනුවත් වැව පූජනීයයි. ඒ පූජනීය වැවේ තාවුල්ලෙ තමයි එතුමාගෙ පුතාගෙ ගේ හදලා තියෙන්නෙ. සහෝදරයා ඩඩ්ලි සිරිසේනගෙ හෝටලය හදලා තියෙන්නෙ වැව තාවුල්ලටත් එළියට ගිහින් වැට ගහලා. “
“ඔබතුමා ඔච්චර ආදර්ශයක් දෙන්න නම් හදන්නෙ පුතාගෙ ගේ අයින් කරගන්න. සහෝදරයගෙ හෝටලය අයින් කරගන්න. “
“මේවා අහගන්නෙ විහින්. මේවා කියන්න හටපු දේවල් නෙමෙයි. අපි මිනිස්සු විදිහට මැරිලා යනවා . වෛරයක් අවශ්ය නෑ. නිකම්ම නිකම් මෛත්රීපාල සිරිසේන උනාට පස්සෙ තමයි මම එතුමා එක්ක ගිහින් කතා කළේ. මොනවද දැන් මේ කියන්නෙ.“
“මම මේ ව්යාපෘතිය අරගෙන ආවෙ ඉතාම සාධනීය විදිහට. වාර්මාර්ග දෙපාර්තමේන්තුවෙ අනුමැතිය ගත්තේ ජනවාරිවල. නාගරික සංවර්ධන අධිකාරියෙ අනුමැතිය අරන් තියනවා. පුරාවිද්යා දෙපාර්තමේන්තුවෙ අනුමැතිය අරන් තියනවා. මාර්ග සංවර්ධන අධිකාරියේ අනුමැතිය අරන් තියනවා. පලාත් මාර්ග අධිකාරියෙ අනුමැතිය අරන් තියනවා. නගර සභාවේ අනුමැතිය අරන් තියනවා. දිස්ත්රික් සංවර්ධන කමිටුවෙ අනුමැතිය ගත්තේ 2021.02.16 වෙනිදා. සියලුම වෘත්තිකයින් දීපු අනුමැතියක් කුමන්ත්රණකාරී කුහක කණ්ඩායමක් කඩාකප්පල් කරන්න ඉඩ දෙන්න බෑ.“
“ඕන නම් පොලොන්නරුවෙ ගොවි ජනතාව මම බස්සලා පෙන්වන්නම්. එතකොට තේරෙයි පොලොන්නරුවේ ජනතාව ඉන්නේ රොෂාන් එක්ක ද ඔවුන්ට ඇවිදින මං තීරු ඕනද කියලා මං පෙන්වන්නම්. කුමන්ත්රණකාරී පිරිසක් එකතු වෙලා මහා සංඝරත්නය නොමග යවලා මේ වැඩේ නවත්වන්න දෙන්නෙ නෑ කියන එක නම් මම කියනවා.“
“හෝටල්වලට යන ලොකු ලොකු කෙරුම් කාරයන්ට විතරක් නෙමෙයි. සාමාන්ය මිනිස්සුන්ටත් පරාක්රම සමුද්රයෙ පහස විඳින්න අපි අවස්ථාව සලසා දෙන්න ඕන. “
රාජ්ය ඇමතිවරයා වැඩි දුරටත් කීවේය.
