ව්යාපෘති සඳහා මුදල් වෙන් කළත් අදායම් මාර්ග ඇහිරී ඇති නිසා දැඩි මූල්ය අර්බුදකයට මුහුණ දුන් ක්රිකට් පාලක මණ්ඩලයේ මූල්ය සංචිත ප්රමාණවත් වන්නේ ඉදිරි මාස කීපය සඳහා පමණක් බව ශ්රී ලංකා ක්රිකට් ආයතනයේ වැඩබලන මූල්ය ප්රධානී කාමලිකා ජයසේකර විසින් ප්රකාශ කර ඇති වටපිටාවක තෝරා ගත් සේවක පිරිසකගේ පමණක් මාසික වේතන අතාර්කික ලෙස වැඩි කිරීමෙන් ආයතනය තුළ අභ්යන්තර අර්බුදයක් නිර්මාණය වී ඇතැයි වාර්තා වේ.
සේවකයන්ගේ වැටුප් වැඩි කිරීම සඳහා පසුගිය ජූලි මස 15 දා පැවති ලංකා ක්රිකට් කළමනාකරණ කමිටුවේ දී සොයා බැලීමට තීරණය කළ ද පවතින මූල්ය අර්බුදය හේතුවෙන් එම කමිටුවේ සභාපති මොහාන් ද සිල්වා වැටප් වැඩි කිරීම්වලට නොයෑමට තීරණය කර තිබිණි.
නමුත් අනතුරුව ශ්රී ලංකා ක්රිකට් ආයතනයේ උප සභාපතිවරයා ක්රිකට් කළමනාකරණ කමිටුවේ සභාපති ලෙස කටයුතු කරමින් තෝරාගත් පිරිසකට පමණක් වැටුප් වැඩි කිරීම මේ අර්බුදයට මුල් වී ඇතැයි පැවසේ.
මෙම දැවැන්ත වැටුප් වර්ධක හිමිකරගත් අතලොස්ස අතර ඉහළම නිලධාරීන්ගේ පුද්ගලික ලේකම්වරියන් පිරිසක් සිටීමත්, ඔවුන් අතරෙන් අයෙක් සිය වෘත්තිය වෙනුවෙන් සැපිරිය යුතු සුදුසුකම් පිළිබඳ ප්රශ්නකාරී තත්ව තුළ බඳවා ගත් අය වීමත් මේ ගැටලුව උග්ර කර ඇතැයි පැවසේ.
