දිනසේන රතුගමගේ
යාපනයේ පේදුරුතුඩුව ප්රදේශයේ අනවසරයෙන් සිදු කෙරෙන වැලි ජාවාරමක් සම්බන්ධයෙන් තොරතුරු සොයා බැලීමට අදාල ප්රදේශයට ගිය ප්රාදේශීය ලේකම්වරයාගේ කැබ් රථය ටිපර් රථයකින් හප්පවා වැලි ජාවාරම්කරුවන් පිරිසක් 26 දා පලා ගොස් තිබේ.
කැබ් රථයේ රියදුරා එම අවස්ථාවේදී රථයෙන් බිමට බැස ප්රාදේශීය ලේකම්වරයා සමග වැලි ජාවාරම් කරුවන් වැලි කපන ආකාරය දෙස බලා සිට ඇති අතර අධික වේගයෙන් ධාවනය කර වූ ටිපර් රථයට රියදුරුවද යට කිරීමට වැලි ජාවාරම් කරුවෝ උත්සහ කොට තිබේ.
ප්රාදේශීය ලේකම්වරයාගේ කැබ් රථය ටිපර් රථයකින් හැප්පවීම නිසා කැබ් රථයට හානි සිදුව ඇති අතර මේ සම්බන්ධයෙන් පේදුරුතුඩුව පොලිසියට පැමිණිලි කොට තිබේ.
යාපනයේ පේදූතුඩුව ප්රදේශයේ වැලි ජාවාරම මහා පරිමණයෙන් කරගෙන යන ජාවාරම්කරුවෝ මීට පෙර පොලිස් නිලධාරියෙකු හා පොලිස් විශේෂ කාර්ය බලකායේ නිලධාරියෙකුවද ඔවුන්ගේ වාහන වලින් හප්පවා පලා ගොස් තිබේ.
