මනම්පිටිය නිමල් ජයරත්න –
වස්ගමුව ජාතික වනෝද්යානයේ නීති විරෝධීව අක්කර හයක පමණ ප්රමාණයක පවත්වාගෙන ගිය ගංජා හේනක් වටලා එහි තිබූ ගංජා පැළ තුන් ලක්ෂ හතලිස් හයදාස් දෙසීයක ප්රමාණයක් සහ පැකට් කරන ලද ගංජා 72ක් ගංජා ඇට කිලෝ 02 ක් විනාශ කිරීමට කටයුතු කළ බව පොළොන්නරුව කොට්ඨාස අපරාධ විමර්ශන අංශය සඳහන් කරයි.
මෙම වැටලීමේදී මහියංගණය සහ හම්බේගමුව යන ප්රදේශවල පදිංචි සැකකරුවන් තිදෙනෙකු අත්අඩංගුවට ගත් බවද පොලිසිය කියයි.
වැටලීමේදී අත්අඩංගුවට ගත් ගංජා තොගය රැගෙන ඒමට අපහසුව නිසා කොටසක් ගිනි තබා විනාශ කිරීමට කටයුතු කළ බව පොළොන්නරුව කොට්ඨාස අපරාධ විමර්ශන අංශයේ ප්රධාන පොලිස් පරීක්ෂක ජේ.පී.ආර්.කේ ජාගොඩ අප කළ විමසීමකදී පැවසීය.
අත්අඩංගුවට ගත් සැකකරුවබ් තිදෙනා සහ ගංජා ඉතිරි තොගය බකමූණ පොලිසියට බාර දීමට කටයුතු කර තිබේ.
අත්අඩංගුවට ගත් සැකකරුවන් තිදෙනා එකොළොස් වෙනිදා හිඟුරක්ගොඩ මහේස්ත්රාත් අධිකරණයට ඉදිරිපත් කිරීමට නියමිතව ඇති බව බකමූණ පොලිසිය කියයි.
පොළොන්නරුව ජ්යෙෂ්ඨ පොලිස් අධිකාරී නිශාන් ද සිල්වා මහතාගේ උපදෙස් මත සහකාර පොලිස් අධිකාරී ප්රගති ලක්මිණ, වැලිකන්ද ප්රදේශය බාර සහකාර පොලිස් අධිකාරී එම්.එස්.එම්. ජරූල් මහතාගේ මැදිහත්වීමෙන් පොළොන්නරුව කොට්ටාස අපරාධ විමර්ශන අංශයේ ස්ථානාධිපති ප්රධාන පොලිස් පරික්ෂක ජේ.පී.ආර්.කේ ජාගොඩ ඇතුළු පොලිස් නිලධාරී කණ්ඩායමක් මෙම වැටලීම සිදු කළහ.
