වසර 5ක් පුරා ආදායම් බලපත්ර ලබාගෙන නොමැති වාහන අසාදුගත කර මෝටර් රථ ප්රවාහන දෙපාර්තමේන්තුවේ තොරතුරු පද්ධතියෙන් ඉවත්කිරීමට තීරණය කර ඇති බව මෝටර් රථ ප්රවාහන කොමසාරිස් ජනරාල් නිශාන්ත අනුරුද්ධ ප්රකාශ කර සිටියේය.
මෝටර් රථ ප්රවාහන දෙපාර්තමේන්තුවේ මේ වනවිට වාහන ලක්ෂ 83ක ප්රමාණයක් ලියාපදිංචි වී ඇතැත් QR කේතය හරහා ලියාපදිංචි වී ඇත්තේ ලක්ෂ 60ක පමණ ප්රමාණයක් බව ද ඒ මහතා කියා සිටියේය.
ඒ අනුව වසර 5කට වඩා එක දිගට ආදායම් බලපත්ර ලබා නොගෙන සිටින වාහන පිළිබඳ සමීක්ෂණයක් කරන බවද මෝටර් රථ ප්රවාහන කොමසාරිස් ජනරාල්වරයා කියා සිටියේය.
මෝටර් රථ ප්රවාහන දෙපාර්තමේන්තුවේ වායූ විමෝචන අංශය මඟින් අධික ලෙස දුම් පිට කරන වාහන සම්බන්ධයෙන් දැනුම් දෙන ලෙස මහජනතාවගෙන් ඉල්ලීමක් සිදු කර තිබේ. ඒ සඳහා 0703500525 යන වට්ස් ඇප් දුරකථන අංකයට ජායාරූප යොමුකරන ලෙසට ඉල්ලීමක් කර තිබේ.
