වරාය තදබදය අවම කිරීම සඳහා ජනාධිපතිවරයා මැදිහත් වී ගත් තීන්දු පවා ක්රියාත්මක කිරීමට ඒ සම්බන්ධ වගකීම් දරන පාර්ශවයන්හි ඇතැමෙක් කටයුතු නොකරන බවත් රජය පාර්ශවයෙන් ගත හැකි සියලුම තීරණ ගෙන කළ හැකි සෑම කැපවීමක් කරන අවස්ථාවක ඊට සහයෝගය ලබා නොදී දිගින් දිගටම යමෙක් කටයුතු කරන්නේ නම් ඔවුන් සියලු දෙනා සම්බන්ධව රටට හෙළි කර අවශ්ය පියවර ගන්නා බවත් වරාය සහ ප්රවාහන, මහාමාර්ග, වරාය සහ සිවිල් ගුවන් සේවා අමාත්ය බිමල් රත්නායක පැවසුවේය.
ඔහු මේ බව ප්රකාශ කළේ අද පෑලියගොඩ රේගු පර්යේෂණ මධ්යස්ථානය පිහිටුවීම සදහා සැලසුම් කළ අක්කර විස්සක භූමිය නිරීක්ෂණය කිරීමට ගිය අවස්ථාවේ මාධ්ය අමතමිනි. එහිදී ඇමතිවරයා මෙසේ ද පැවසුවේය.
වරාය තදබදය සම්බන්ධව ප්රශ්නය ජනාධිපතිතුමත් මැදිහත් වෙලා සාකච්ඡා කළා. ඊට කලින් කැබිනට් උප කමිටුවක් පත් කරලා මම අපේ නියෝජ්ය ඇමතිතුමා ජනාධිපති ලේකම්තුමා එකතු වෙලා අපි මේකට බලපාලා තියන හදිසි ප්රශ්න හඳුනා ගත්තා. හදිසි ප්රශ්න රාශියක් තිබුණා විසඳන්න පුලුවන් දේවල්. වරායෙන් රිලීස් කළත් වරාය ඇතුළෙ ඉන්නවා. පරීක්ෂණ සඳහා නතර කරගන්න පුලුවන්කම තිබුණා. දැන් යම් උත්සාහයක් දරනවා.
මම අවංකවම පුද්ගලිකව සතුටු වෙන්නෙ නෑ මේ සතිය තුළදි ජනාධිපතිවරයා විසින් ලබා දුන්න උපදෙස් අනුව අදාල ආයතනවල හැම කෙනාම, හොඳට කැප වෙලා වැඩ කරන ආයතන වගේම හැම දෙනාම ඒක කරන බව නම් පෙනෙන්නේ නෑ. මම ඒක අවංකව කියන්න ඕන.
අපි වරායෙ සභාපති තුමා, වරායේ කළමනාකාර අධ්යක්ෂ තුමා අපි බලනවා. පැය 24 වැඩ කරන්න කියලා කිව්වට සමහර අංගනවල වැඩ රෑ 3.20ට නතර වෙනවා.
දැන් ලොරි රථ රියදුරන් පොරොන්දු වුනා පෑලියගොඩ ඉංජිනේරු සංස්ථාවට අයිති ඉඩම අපි දැන් ලෑස්ති කරලා සුද්ද කරලා ඒකේ ගාර්ඩ්ලා දාලා දැන් බලාගෙන ඉන්නවා ලොරිවල මහත්තුරු ක්ලියර් කරන් ඇවිත් එතන පාක් කරගනී කියලා. එතන ප්රශ්නයක් තියනවනේ ඒ ගොල්ලන්ට. පිටකොටුවේ ගිහින් දාන්න බෑ. ඒ නිසා ඒ ප්රශ්නයට අපි උත්තරය හොයලා ඉවරයි ආණ්ඩුව. හැබැයි ලොරි රථ එන්නෙ නෑ තාම. ඒ ගොල්ල තාම ඇතුළෙ ලොරි පන්සීය හයසීය තියාගෙන ඉන්නවා.
ඒ වගේම අපි බලාපොරොත්තු වුනා නැව් ආයතනවල වාප්පු ලිපිකරුවො ඇවිත් ඒවා නිදහස් කරගන්න කටයුතු කරයි කියලා ඒකට හොඳම සහයෝගයක් ලැබෙන බව අපට වාර්තාවලින් පේන්නෙ නෑ. මේක වරායේ වගකීමක්ම නෙමෙයි. වරාය පවුලක්. මේකට ගොඩක් අය සම්බන්ද වෙන්න ඕන.
ඒ වගේම තයිපොන්ගල් දවස් දෙක තිබුණා… එ් දවස් දෙක පාවිච්චියට ගන්න කියලා ජනාධිපතිතුමාම කිව්වා. අපි දැක්කේ නෑ පෞද්ගලික අංශය ඒ අදාල ආනයනකරුවන්ගෙන් එතරම්ම සහයෝගයක් ලැබෙනවා කියලා. මම කියන්නේ නෑ හැම කෙනාම කියලා. ඒ නිසා නිලධාරීන්ගේ පැත්තෙනුත්, සමහර පෞද්ගලික අංශයෙ අයත්…
ජනවාරි 31 දක්වා අපි මේක බලනවා. කවුරුත් කන්ට්රිබියුට් කරන්නේ නැතිනම් අපි ඔක්කොම රටට කියනවා.
