වර්තමාන දේශපාලන අධිකාරිය මහජනයාගේ මුදල් සතයක් හොකරම් නොකරන නාස්ති නොකරන දේශපාලන අධිකාරියක් බව ජනාධිපති අනුර කුමාර දිසානායක අද සහතිකකර ප්රකාශ කළේය.
ජනාධිපතිවරයා මේ බව ප්රකාශ කළෙ අද මී මධ්යම අධිවේගී මාර්ග ව්යාපෘතියේ කඩවත සිට මීරිගම දක්වා වූ කොටසේ යළි ඉදිකිරීම් ආරම්භ කිරීමේ සමාරම්භක උත්සවය අමතමිනි.
ජනාධිපතිවරයා රටට මෙම සහතිකය ලබා දෙන්නේ ජාතික ජන බලවේගයේ ඇමතිවරුන්ගේ වත්කම් සම්බන්ධව දැඩි සංවාදයක් සමාජය තුළ ඇති වී තිබෙන මොහොතකය.
සිය කතාව අතරතුර ජනාධිපතිවරයා සංවිධානාත්මක අපරාධ කල්ලි, සහ දේශපාලනයත්, රටේ පරිපාලනයට වගකිවයුතු ආයතනත් එකිනෙකට සම්බන්ධව යටිබිම්ගත කළු රාජ්යයක් හැදී තිබුණු ආකාරය සම්බන්ධවත් රටට කීවේය.
ජනාධිපතිවරයා ඒ පිළිබඳව කීවේ මෙවැන්නකි.
සංවිධානාත්මක අපරාධ කල්ලි අපට මතුපිටින් තියන රාජ්ය හා සමාන කළු රාජ්යයක් නිර්මාණය කරගෙන තියනවා. ඔවුන්ට අවි ආයුධ ලැබෙනවා නීත්යානුකූල හමුදාවන් විසින්. ඔවුන්ගේ කුඩු ප්රවාහනය කරනවා එය මැඩ පැවැත්වීම සඳහා සිටින පොලිසිය විසින්. ඔවුන්ට රැකවරණය දෙනවා එය මැඩපැවැත්වීමට ප්රතිපත්තිමය එකඟතාවයක් තිබෙන දේශපාලන අදිකාරිය විසින්. ඔවුන්ට නීති විරෝධී පාස්පෝට් හදලා දෙනවා නීති විරෝධී පාස්පෝට් වැලැක්වීම සඳහා තිබෙන ඉමිග්රේෂන් එක විසින්. ඔවුන්ට මෝටර් රථ ලියාපදිංචි කරලා දෙනවා නීති විරෝධී මෝටර් රථ ලියාපදිංචි කිරීම වළක්වන ආයතනය විසින්.
ඔවුන්ට නීතියේ රැකවරණයත් ඒ ආයතන විසින් ලබා දී තිබෙනවා. ඒ නිසා මේ පෙනෙන රාජ්යයට සමාන යටි බිම්ගත රාජ්යයක් මේ සංවිධානාත්මක අපරාධ කල්ලි වෙත තිබෙනවා.
එය තැන තැන වෙඩි තබා ගැනීම් මත්ද්රව්ය බිය ගැන්වීම් ව්යාපාරිකයන්ට තර්ජනය කිරීම් ආදී විශාල සමාජ අපරාධවලින් ගහන වෙචච් යටි බිම්ගත රාජ්යයක් තිබෙනවා. අපි ඔබට එකක් කියන්නම්. මේ යටි බිම්ගත රාජ්යය අපි සහිතක වශයෙන් නිමා කරනවා. එහෙම නැතිව සංවර්ධනයක් ස්ථාවර භාවයෙන් තිබෙන දරුවන්ගේ අනාගත රැකවරණය සහිත රාජ්යයක් නිර්මාණය කරන්න බෑ.
දැනට අපි අත් අඩංගුවට අරන් ඉන්න පිරිස අපේ රටේ මත්ද්රව්ය ජාලයේ සියයට 50කට ආසන්න ප්රමාණයක් මෙහෙයවලා තියනවා. අපේ සන්නද්ධ අපරාධ කල්ලීන් සියයට 75ක් එක්ක සම්බන්ධතා තියනවා. අපේ රටේ දේශපාලන අධිකාරීන්ට විශාල වශයෙන් විවිධාකාරයෙන් මුදල් පොම්ප කරලා තිබෙනවා.
සමහර මන්ත්රීවරු මාසේ බදු මුදල ගන්නවා වගේ ගෙදර ගිහින් සල්ලි අරන් තියනවා. සමහර ඇමතිවරු මාස් පතා ගෙදරට ගෙන්නගෙන තිබෙනවා. ඒව හෙළිදරවු වෙලා තිබෙනවා. ඒ කියන්නේ මේ සන්නද්ධ අපරාධ කණ්ඩායම් අපේ රටේ විශාල ව්යසනයක් නිර්මාණය කරලා තියනවා. අපි ඒක මැඩපවත්වනවා. ඒ මැඩපැවැත්වීම සඳහාවන විශ්වාසයත් අභියෝගයත් අපි පොලිස් දෙපාර්තමේන්තුව ඇතුළු අදාල නිලධාරීන් බාර අරන් තියනවා. මම මේ වෙලාවේ බෙහෙවින්ම ඔවුන්ට ස්තුතිවන්ත වෙනවා.
