මනම්පිටිය නිමල් ජයරත්න –
වෙඩි කිහිපයක් වැදීමෙන් පසු ඉකුත් 18 වැනිදා සිට මාදුරුඔය ජාතික වනෝද්යානයේ හේනානිගල කහපාලම අවට අසාධ්යව, සැරිසරු ගැබ් බර කෙනරට ප්රතිකාර ලබා දෙන ලෙස අවස්ථා කීපයක දී වන ජීවී පශු වෛද්යවරුන්ගෙන් කළ ඉල්ලීම් නොසලකා හැරීම හේතුවෙන් එම කෙනෙරගේ කුස ඔත් අකාලයේ මිය ගොස් ඇතැයි චෝදනා එල්ල වී තිබේ.
වනජීවී දෙපාර්තමේන්තුවේ පශු වෛද්යවරුන් කටයුතු කළ යුත්තේ වනජීවී සහකාර අධ්යක්ෂවරුන්ගේ යටතේ වුවද ඔවුන් මේ වනවිට සේවය කරනු ලබන්නේ වනජීවී දෙපාර්තමේන්තුවේ කොළඹ කාර්යාලය මගින් පැනවෙන රාජකාරි අනුව නිසා මෙම කෙනෙරගේ පැටියා ප්රසූතියේ දී මරණයට පත් වු බවද පරිසරවේදීහු සඳහන් කරති.
මාදුරුඔය හේනානිගල අලි පැටියා අකාලයේ මිය යෑමට මේ යෑමට ප්රධාන හේතුව පශු වෛද්යවරුන් ප්රතිකාර නොකිරීම බවත් , ඇතැම් පශු වෛද්යවරුන් පෞද්ගලිකව ප්රතිකාර මධ්යස්ථාන ආරම්භ කර පවත්වාගෙන යෑමත්, සමහරු විදේශගත වී සිටීමත්, එමෙන්ම කලාප භාර වනජීවී අධ්යක්ෂවරයාගෙන් යටතේ ඔවුන් සේවය නොකිරීමත් මෙවැනි වගකීම් පැහැර හැරීමට ප්රධාන හේතුව බවද වනජීවී දෙපාර්තමේන්තුවේ අභ්යන්තර ආරංචි මාර්ග හෙළි කරයි.
කෙනරගේ අසාධ්ය තත්ත්වය පිළිබඳ තමන් අවස්ථා කිහිපයකදී අම්පාර වනජීවී සහකාර අධ්යක්ෂවරයා දුරකථනයෙන් සහ විවිධ මාර්ගයන් ඔස්සේ දැනුවත් කළ නමුත් මේ වනවිට ඇතැම් පශු වෛද්යවරුන් විදෙස්ගත වී සිටින බවත්, ඇතැමුන් නිවාඩු ගොස් ඇති බවත් , පශු වෛද්යවරයෙකු කෙනෙරට ප්රතිකාර කිරීම සඳහා එනතෙක් හෙනානිගල අඩවි ආරක්ෂක කාර්යාලයේ වනජීවි නිලධාරින් හැකි ආකාරයෙන් ප්රතිකාර කර ඇති බවත් වනජීවී දෙපාර්තමේන්තුවේ අඩවි සහකාරවරුන්ගේ වෘත්තිකයන්ගේ සංගමයේ සභාපති කුමාරසිරි විජේකෝන් අප කළ විමසීමකදී සඳහන් කළේය.
අප ගම්වාසීන් සහ පරිසරවේදීන් නගන චෝදනාව පිළිබඳ අම්පාර වනජීවී සහකාර අධ්යක්ෂ, ප්රසන්ත විමලදාසගෙන් දුරකථනයෙන් කළ විමසීමේදී ඔහු මෙලෙස සඳහන් කළේය.
” හෙනානිගල වනජීවී නිලධාරීන් මේ පිළිබඳ මාව දැනුවත් කළාට පස්සේ මම අම්පාර ප්රදේශය භාරව සිටින පශු වෛද්යවරයා දැනුවත් කළා, ඊට පස්සේ වාහනේ රියදුරු මහත්තයා නෑ කියලා අපේ ගිහාන් මහත්තයාට කියලා තියෙනවා, රියැදුරු මහත්වරු ලබාදෙනකොට ඒ ඩොක්ටර්ට අසනීපයි කියලා අපේ ගිහාන් මහත්තයාට කියලා තියෙනවා,
ඒ ඩොක්ට අසනීපයෙන් සිටින නිසා අපි ඊට පස්සේ රන්දෙනිගල ප්රදේශය භාර ඉන්න පශු වෛද්යවරයාව දැනුවත් කළා.
, ඒ ඩොක්ටත් රට ගිහිල්ලා, මේ ගැන වනජීවී වට්සැප් ගෲප් එකෙන් දැනුවත් උනාට පස්සේ මම කොළඹට කතා කළා. , ඉතින් කොළඹින් එනවා කිව්වට ආවෙත් නැහැ, එහෙම වුණාට පස්සේ අපිට ලඟම ඉන්නේ ගිරිතලේ වනජීවී පශුවෛද්යවරයා. එයා මේ සිද්ධියට එනවා නම් කිලෝමීටර් එකසිය විස්සක් එන්න ඕනේ. “
