රාජකාරිය නිසි ආකාරව සිදුකිරීමට යද්දී මරදාන පොලිසියේ පොලිස් ස්ථානාධිපති සිය නිල දුරකථනයෙන් ලබා දුන් නියෝගයක් මත ව්යාජ අංක තහඩු සහ ලිපි ලේඛන සහිත කාර් රථයක් මුදා හැරීමට කටයුතු කිරීමේ වරදට අදාල කාර් රථය නවත්වා නීතිය ක්රියාත්මක කිරීමට හැදූ දංඕවිට පොලිස් ස්ථානයට අනුයුක්තව සේවය කළ පොලිස් සැරයන්වරයෙකු වැඩ තහනමට ලක් කර තිබේ.
වාර්තාවන පරිදි සිද්ධිය මෙසේය.
දංඕවිට පොලිසියේ සැරයන්වරයෙක් සහ පොලිස් කොස්තාපල්වරයෙක් පෙරේදා (22) හැලගල ප්රදේශයේ රථ වාහන රාජකාරියේ යේදී සිටිය දී වරකාපොල සිට කොළඹ දෙසට ධාවනය කළ රථයක පසුපස අංක තහඩුව සැක සහිත බව නිරීක්ෂණය කර තිබේ.
ඒ නිරීක්ෂණය අනුව වහාම ක්රියාත්මක වූ සැරයන් වරයා ඉදිරියේ රාජකාරිවල නිරතව සිටි කාන්තා සැරයන් වරියකට දුරකථනයෙන් අමතා මෙම සැක කටයුතු වාහනය නවත්වා පරීක්ෂා කරන ලෙස දන්වා ඇත.
ඒ අනුව ඇය කළ පරීක්ෂාවක දී මෙම වාහනයේ ලියකියවිලි සම්පූර්ණයෙන්ම ව්යාජ ඒවා බව තහවුරු වීම නිසා තමන්ට මෙම තොරතුර ලබාදුන් සැරයන්වරයාට ඒ බව දැනුම් දී තිබේ. සැරයන්වරයා සහ කොස්තාපල්වරයා වහාම අදාල ස්ථානයට පැමිණ ඇත.
ඔවුන් සිද්ධිය විමර්ශනය කරමින් සිටිය දී මරදාන පොලිස් ස්ථානාධිපතිවරයා සිය රාජකාරි දුරකථනයෙන් විමර්ශන කටයුතු සිදුකරමින් සිටි සැරයන්වරයාගේ දුරකථනයට ඇමතුමක් ගෙන තිබේ.
ස්ථානාධිපතිවරයා පවසා ඇත්තේ මෙම කාර් රථයේ රියදුරා තමන් දන්නා කෙනෙක් බවත්, ලියකියැවිලි අඩුපාඩු තිබෙන නමුත් ඔහුව මුදා හරින ලෙසත් දන්වා තිබේ.
ඒ අනුව රථයේ ආදායම් බලපත්රය, රක්ෂණ සහතිකය ව්යාජ ලියකියැවිලි බවට තහවුරු කරගෙන තිබියදීත්, මරදාන පොලිස් ස්ථානාධිපතිවරයාගේ දැන්වීම මත වාහනය නිදහස් කිරීමට සැරයන්වරයා කටයුතු කර ඇත.
කෙසේ වෙතත් කාර් රථයේ දුම් සහතිකය හා වාහනයේ ලියාපදිංචි පොතේ ඡයා පිටපත් සහ මුල් පිටපත් ලබාගැනීමට සැරයන්වරයා කටයුතු කර තිබේ.
කෙසේ වෙතත් මේ වනවිට බරපතල රාජකාරි පැහැර හැරීමක් කිරීම සම්බන්ධව චෝදනා ලද සැරයන්වරයාගේ වැඩ තහනම් කර ඇත.
