ලේක් හවුස් සභාපති අනුෂ පැල්පිට ඉල්ලා අස් වී තිබේ.
කෙහෙළිය රඹුක්වැල්ල ජනමාධ්ය අමාත්යවරයාව සිටිය දී බාහිර පුද්ගලයින් දෙදෙනෙක් උපදේශකයන් ලෙස නම් කර ඔවුන්ට වැටුප් ගෙවීම සම්බන්ධවත් ජනමාධ්ය අමාත්යාංශයේ ලේකම් ලෙස කටයුතු කරන අතර තමන් යටතේ ඇති ආයතනයක් වූ ලේක් හවුස් ආතනයේ සභාපතිවරයා ලෙස වැටුප් ලැබීම පිළිබඳ කෝප් කමිටුවේ සිදුකළ ප්රශ්න කිරීම්වලට අදාලව අනුෂ පැල්පිට ධූරයෙන් ඉල්ලා අස්වී ඇති බව වාර්තාවේ.
කෙසේ වෙතත් අභ්යන්තර ආරංචි මාර්ග පවසන්නේ ජානාධිපතිවරයාගේ පත් කිරීමක් ලෙස ලේක්හවුස් සභාපති ධූරයට පැමිණෙන අනුෂ පැල්පිට සම්බන්ධව කෝප් කමිටුවේ දී ප්රශ්න කෙරෙන්නේ අමාත්යවරයාගේ පාර්ශවයෙන් ලබා දුන් තොරතුරු සහ උපදෙස්මත බව ද දැනගන්නට ඇත.
කෙසේ වෙතත් අභ්යන්තර ආරංචි මාර්ග පවසන්නේ අනුෂ පැල්පිට රාජ්ය මාධ්ය තුළ ඉතා අනවශ්ය ලෙස බන්දුල ගුණවර්ධන ජනමාධ්ය ඇමතිවරයාගේ ප්රවෘත්ති, ඡායාරූප සහ වෙනත් ලාභ දේශපාලන ප්රචාරණ නැවැත්වීම වෙනුවෙන් වගකීම් සහිතව කටයුතු කළ නිසා ඔහු සමග යම් විරසකයකයකින් පසුවී ඇති බවය.
ඔහු ජනමාධ්ය අමාත්යාංශයේ ලේකම්වරයා ලෙස මේ අනවශ්ය මැදිහත්වීම් වැලැක්වීමට කටයුතු කිරීම නිසා අවස්ථා ගණනක දී රාජ්ය මාධ්ය ප්රධානීන් ඉදිරියේ ඇමතිවරයා අපහසු තාවයට පත් වී ඇති බවත් එම ආරංචි මාර්ග කියයි.
ඇමතිවරයාගේ ප්රවෘත්ති පල නොවුන බව කියමින් රූපවාහිනී ප්රවෘත්ති අධ්යක්ෂ තිලක් මහගමගේ එම තනතුරින් ඉවත් කිරීමට ඇමතිවරයා මේ වනවිට කටයුතු කර ඇත.
