මනම්පිටිය නිමල් ජයරත්න –
මඩකලපුව වාලච්චේන පේසාල ප්රදේශයේ තරුණ යුවලක් සිය රහස් ප්රදේශවල සඟවාගෙන ත්රීරෝද රථයකින් ප්රවාහනය කරමින් සිටි ලක්ෂ 20කට ආසන්න වටිනාකමකින් යුතු අයිස් මත්ද්රව්යය ග්රෑම් 200 ක් ඊයේ (07) සවස වාලච්චේන සහකාර පොලිස් අධිකාරී කාර්යාලයේ නිලධාරීන් කණ්ඩායමක් කළ වැටලීමක අත්අඩංගුවට ගෙන ඇත.
වාලච්චේන සහකාර පොලිස් අධිකාරි එම්. එස්.එම්. ජරූල් ට ලද තොරතුරක් අනුව අත්අඩංගුවට ගත් මෙම සැකකාර යුවළ ඔරුගොඩවත්තේ සිට අයිස් මත්ද්රව්ය ගෙනවිත් වාකරේ, සිත්තන්ඩි, සහ පේසාලේ ප්රදේශවලට අලෙවි කරන බව ඒ පිළිබඳව පරීක්ෂණ පවත්වන වාලචේන පොලිසිය කියයි.
මඩකලපුව දිස්ත්රික්කයෙන් මෙවැනි මත්ද්රව්ය ප්රමාණයක් අත් අඩංගුවට ගැනීම සැලකිකය යුතු තත්ත්වයක් බව වාලච්චේන පොලිසිය පවසයි.
අත්අඩංගුවට ගත් සැකකාර යුවළ වාලච්චේන පේසාල ප්රදේශයේ පදිංචි අවුරුදු 21 හා 22 යන වයසේ පසුවන්නන් බව ඒ පිළිබඳ පරීක්ෂණ සිදු කරන වාලච්චේන සහකාර පොලිස් අධිකාරි එම්. එස්. එම්. ජරූල් අප කළ විමසීමකදී පැවසීය.
සැකකාර යුවළ දීර්ඝ කාලයක සිට මෙම අයිස් මත්ද්රව්ය සිය ප්රදේශයේ හා යට ඇඳුම් තුළත් කාන්තාවගේ තණපටයේත් සඟවා ගෙනවිත් අලෙවි කරන බවට, මේ වෙනවිට තොරතුරු අනාවරණය වී ඇති බව වාලච්චේන සහකාර පොලිස් අධිකාරී එම්.එස්.එම්. ජරූල් අප කළ විමසීමකදී සඳහන් කළේය.
සැකකාර යුවළ රැඳවුම් නියෝග මත රඳවාගෙන ප්රශ්න කිරීමට අධිකරණයෙන් අවසර ලබාගෙන තිබෙන බවද හෙතෙම කීය.
