මහජන මුදල් අවභාවිතය සම්බන්ධයෙන් දැනට රක්ෂිත බන්ධනාගාරගත කර සිටින හිටපු ජනාධිපති රනිල් වික්රමසිංහ, සෞඛ්ය ගැටලු හේතුවෙන් සූම් තාක්ෂණය හරහා අධිකරණ කටයුතුවලට ඉදිරිපත් වීමට නියමිතව ඇතැයි නිව්ස් ෆස්ට් වාර්තා කරයි.
ස්වකීය පුද්ගලික විදේශීය සංචාරයක් වෙනුවෙන් එක් රැයක් සඳහා රුපියල් එක් කෝටි හැට හය ලක්ෂයක මහජන මුදල් ප්රමාණයක් අවභාවිතා කිරීමට සම්බන්ධ විමර්ශනයකට අදාලව පසුගිය සිකුරාදා අත් අඩංගුවට ගෙන පසුව රක්ෂිත බන්ධනාගාරගත කරනු ලැබූ හිටපු ජනාධිපතිවරයා ඉන් අනතුරුව බන්ධනාගාර රෝහලටත් ඉන් පසුව ජාතික රෝහලේ විශේෂ ප්රතිකාර ඒකකයටත් ඇතුළත් කර මේ වනවිට දැඩි සත්කාර ඒකකයේ ප්රතිකාර ලබමින් සිටී.
අද උදෑසන විශේෂඥ වෛද්ය මණ්ඩලයක් විසින් නිර්දේශ කරනු ලැබුවේ විජලනය නිසා ඇතිවූ සංකූලතාවයන්හි ප්රතිඵල ලෙස අධි රුධිර පීඩනයත්, රුධිරයේ සෝඩියම් මට්ටම ඉහළ යෑමත් හේතුවෙන් ඔහු තව දුරටත් වෛද්ය අධීක්ෂණය යටතේ ප්රතිකාර කළ යුතු බැවින් උසාවියට ඉදිරිපත් කිරීම සෞඛ්යමය අවදානමක් මතු කරන බවය.
බන්ධනාගාර මාධ්ය ප්රකාශකවරයා පැවසුවේ සැකකරු අධිකරණයට ඉදිරිපත් නොකරන්නේ නම් අධිකරණයේ අවශ්යතාවය මත ඔහු සූම් තාක්ෂණය මගින් අධිකරණයට ඉදිරිපත් කරන බවය.
