විස්සයි 20 ලෝක කුලසලාන තරගාවලිය ආරම්භ කරමින් ශ්රී ලංකාව සහ නැමීබියාව අතර පළමු වටයේ පළමු තරගයේ නැමීබියා ඉනිම නිමා වී තිබේ. නැමීබියා කණ්ඩායම පන්දු ඕවර 20 අවසානයේ දී කඩුළු 07කට ලකුණු 163ක් සහිතව ශ්රී ලංකා පිලට ලකුණු 164ක ජයග්රාහී අභියෝගාත්මක ඉලක්කයක් ලබා දෙමිනි.
ඔස්ට්රෙලියාවේ ගෙලෝන්ග් සීමන්ඩ්ස් ක්රීඩාංගණයේ දී ආරම්භ වූ තරගයේ කාසියේ වාසිය දිනාගත් ශ්රී ලංකා කණ්ඩායම පන්දු යැවීම තේරුවේය.
තරගයේ ආරම්භය ඉතාම විශිෂ්ට ලෙස ශ්රී ලංකා ක්රීඩකයෝ පිවිසුනහ.
නැමීබියානු කණ්ඩායමේ ආරම්භ පිතිකරුවන් දෙපළ වන Michael Van Langen ලකුණු 03කටත් Nicol Loftie ලකුණු 09කට දැවී ගියෝය. Jan Nicol Loftie-Eaton පන්දු 12ක දී ලකුණු 20ක් ලබාගෙන සිටිය දී කුසල් මෙන්ඩිස් අතට උඩපන්දුවක් දීමෙන් දැවී ගියේය.
එහෙත් අනතුරුව විශිෂ්ට ලෙස තරගයට පිවිසුණු නැමේබියානු ක්රීඩකයින් අතරින් Stephan Baard පන්දු 24ක දී ලකුණු 20ක්, නායක Gerhard Erasmus පන්දු 24ක දී ලකුණු 20ක් ලැබුවේය.
විශිෂ්ට පිතිකරණය නිරතවූයේ Jan Frylinck පන්දු 28ක දී ලකුණු 44ක් ලැබුවේය. ඒ හතරේ පහර හතරක් සමගිනි.
JJ Smit පන්දු 16ක දී හතරේ පහර දෙකක් සහ හයේ පහර දෙකක් සමගින් වේගවත් ලකුණු 31ක් නොදැවී ලබා ගත්තේය.
පන්දු යැවීමේ දී ප්රමෝද් මධුසංඛ ලකුණු 37කට කඩුළු 02ක්, මහීෂ් තීක්ෂන ලකුණු 23කට කඩුල්ලක්, දුෂ්මන්ත චමීර ලකුණු 39කට කඩුල්ලක්, චාමික කරුණාරත්න ලකුණු 36කට කඩුල්ලක් වනිඳු හසරංග ලකුණු 27කට කඩුල්ලක් බැගින් ලැබූහ.
