රිය අනතුරු මරණ සම්බන්ධව මේ වනවිට රට තුළ සිදුවන අධ්යනයන් අනුව පෙනී ගොස් ඇත්තේ ක්ෂණික මැදිහත්වීමකින් වෙනස් නොකළහොත් ඉදිරි මාස 03 කාලය තුළ පුද්ගලයින් 750කට ආසන්න ප්රමාණයක් මහා මාර්ගවල මිය යෑමට නියමිතව බවය.
පොලිස් වාර්තා පෙන්වා දී ඇත්තේ වසරේ මේ වනවිට රිය අනතුරුවලින් 1800කට අධික පිරිසක් මියගොස් ඇති බවය. මේ වාර්තාවන මරණ රටාව අනුව වසර අවසානයේ දී දල වශයෙන් රිය අනතුරු මරණ 2600කට වැඩි ප්රමාණයක් වාර්තා විය හැකි බවත් ඒ අනුව දල වශයෙන් ඉදිරි මාස තුන තුළ සෑම මාසකයම රිය අනතුරු මරණ 250කට ආසන්න ප්රමාණයක් දැකිය හැකිවනු ඇති බවත් මේ සම්බන්ධ විශලේෂණය කරන ප්රමාණිකයෝ පුරෝකථනය කරති.
එම විශ්ලේෂණයන් අනුව මාරක රිය අනතුරු මරණවලින් සියයට 35ක් පමණ වාර්තා වන්නේ බස්නාහිර පළාත තුළය.
මේ පිළිබඳව පැහැදිලිකිරීමක් සිදුකරමින් රිය අනතුරු වැළැක්වීම පිළිබඳ බස්නාහිර පළාත් ආණ්ඩුකාරවරයා යටතේ ඇති කාර්ය සාධන බලකායේ සාමාජික කොළඹ ජාතික රෝහලේ වෛද්ය රුවන් තුෂාර මැටිවලගේ පැහැදිලි කළේ පසුගිය වසර තුළ බස්නාහිර පළාතෙන් වාර්තා වන 718ක්වූ පමණ රිය අනතුරු මරණ වලට වඩා වැඩි මරණ ප්රමණයක් මේ වසර අවසන්වන විට වාර්තා වීමට ඇති ඉඩ කඩ වැඩි බවය.
2025 ජූලි මස 31දා වනවිට පමණක් බස්නාහිර පළාත තුළ මාරක රිය අනතුරු 362ක් සිදුවී පුද්ගලයින් 376ක් මිය ගොස් ඇති බව වෛද්යවරයා පෙන්වා දුන්නේය.
රටක් ලෙස මැදිහත්වී මේ තත්ත්වය වෙනස් නොකළහොත් රිය අනතුරු හා බැඳුනු දැවැන්ත ඛේදවචාකය රටේ ආර්ථික පද්ධතියට දරා ගන්නට නොහැකිවනු ඇතැයි ද ඔහු පැවසුවේය.
