-
බීලා වාහනයට නගින්න කලින් කල්පනා කරන්න… ඇපත් නෑ… කූඩුවට ගාල් වෙලා නතර වෙන්නේ උසාවියෙන්…
මගී ප්රවාහන බස් රථ ඇතුළු අනෙකුත් රථ වාහන පරීක්ෂාව සඳහා මෙහෙයුම අද ආරම්භ කරන බවත් ඒ සඳහා පොලිස් නිලධාරීන් 7000ක් අනුයුක්ත කර ඇති බවත් පොලිස් මාධ්ය ප්රකාශක ජ්යෙෂ්ඨ පොලිස් අධිකාරී බුද්ධික මනතුංග පවසයි.
උත්සවය සමය අවසන් වනතුරු පැය 24 පුරාම මෙහෙයුම ක්රියාත්මක කිරීමට නියමිතව ඇත.
රිය අනතුරු අවම කරගැනීම සඳහා. මගී ප්රවාහන බස් රථ රියදුරන් , මත්ද්රව්ය භාවිතා කර රිය ධාවනය, නොසැලකිලිමත් ලෙස රිය ධාවනය, අධික වේගයෙන් රිය ධාවනය සහ රථය නුසුදුසු තත්ත්වයේ තිබියදී ධාවනය යන වැරදි ඇතුළත් අනෙක් සියලුම රථ වාහන වැරදි සොයා බැලීමට නියමිතව තිබේ.
මහජන සහභාගීත්වය ඇති කිරීම
බස් රථ ඇතුළු වාහනවල රථ වාහන වැරදි දැනුම්දීම සඳහා 119 සහ 1997 දුරකථන අංක 2ක පොලිසිය විසින් මහජනයාට ලබා දී ඇති අතර අදාල ප්රදේශය අයත් කෝට්ඨාස භාර නිලධාරියාගේ ජංගම දුරකථන අංක වෙතද තොරතුරු ලබා දිය හැකි බව පොලිසිය පවසයි. එම දුරකථන අංකයට අවිනීත රියදුරන්ගේ හැසිරීම සම්බන්ධ වීඩියෝ පට ද එවිය හැකි බව පොලිිසිය සඳහන් කරයි.
එමෙන්ම මීට වසර කීපයකට පෙර හඳුන්වා දී තිබූ කළ e -traffic police වෙදවුම ජනවාරි මස සිට විධිමත් ලෙස බලගැන්වීමටත්, ඒ හරහා රට පුරා අවිනීත රියදුරන් විසින් සිදුකරන වැරදි පොලිස් මූලස්ථානයට ලැබෙන වැඩ පිළිවෙළක් සකස් කිරීමටත් වැඩ බලන පොලිස්පතිවරයාගේ උපදෙස් මත කටයුතු පෙළ ගස්වා ඇති බව පොලිස් රථවාහන කොට්ඨාසය භාර නියෝජ්ය පොලිස්පති ඉන්දික හපුගොඩ කියයි.
