එළඹෙන 20 වැනිදා ජනාධිපතිවරයෙක් තෝරා ගැනීම සඳහා පාර්ලිමේන්තුව තුළ පැවැත්වෙන මැතිවරණයේ දී ශ්රී ලංකා පොදුජන පෙරමුණේ සහාය වැඩ බලන ජනාධිපති රනිල් වික්රමසිංහ වෙත ලබා දෙන බවට දන්වමින් එම පක්ෂයේ මහ ලේකම් පාර්ලිමේන්තු මන්ත්රී සාගර කාරියවසම් විසින් ඊයේ (15) මාධ්යයට කළ ප්රකාශය ගැන කරුණු විමසීමක් කර පොදු ජන පෙරමුණේ සභාපති මහාචාර්ය ජී.එල්. පීරිස් ලිපියක් යොමු කරමින් කරුණු විමසා තිබේ.
සභාපති ජී.එල් පීරිස් පවසන්නේ එම ලිපියේ දැක තමන් මවිතයට පත් වූ බවය.
පක්ෂ සභාපතිවරයා මහලේකම්වරයාගෙන් විමසා ඇත්තේ පක්ෂ ව්යවස්ථාවේ විධිවිධාන අනුව අදාළ තීරණය ගෙන ඇත්තේ කුමන පදනමක් මත ද යන්න දන්වන ලෙසය.
මීට අමතරව එම තීරණය ගනු ලැබුවේ කුමන අධිකාරිය යටතේ ද සහ එම තීරණය ගැනීමට සහභාගි වූ බව කියන පුද්ගලයින්ගේ නම් හා ඔවුන් තෝරා ගැනීමේ පදනම කවරේදැයි යනුවෙන් ද පක්ෂ සභාපතිවරයා ප්රශ්න කර තිබේ.
ඔහු එම ලිපියෙන් කරුණු 6 කට අදාළ පිළිතුරු ලබා දෙන්නැයි සාගර කාරියවසම්ගෙන් ඉල්ලීමක්ද කර ඇත එම කරුණු හය නම්
- * මෙම තීරණය ගනු ලැබුවේ කුමන අධිකාරියක් යටතේ ද
* මෙම තීරණය ගැනීම සඳහා සහභාගි වූ පුද්ගලයින්ගේ නම් සඳහන් කරන්න
* එම පුද්ගලයින් තෝරා ගැනීමේ පදනම කුමක්ද
* රැස්වීමක් පැවැත්වූයේ නම් එම ස්ථානය දිනය සහ වෙලාව සඳහන් කරන්න
* දැනුම් දීමේ දිනය සහ වෙලාව ඇතුළු කැඳවීම දැනුම් දීමට අදාල තොරතුරු දන්වන්න
* මෙම තීරණය ගෙන ඇත්තේ කුමන පදනමක් යටතේද යන්න සඳහන් කරන්න
ජී.එල්. පීරිස් සාගර කාරියවසම් වෙත යැවූ ලිපිය පහත දැක්වේ..
